இன்றே கடைசி... தபால் ஓட்டு போடுறவங்க உடனே வாக்கை பதிவு பண்ணுங்க!
![தபால் ஓட்டு](https://www.dinamaalai.com/static/c1e/client/93068/uploaded/0198914516a9c3b2fd537fe1c0432eb7.webp)
இந்தியா முழுவதும் 7 கட்டங்களாக ஏப்ரல் 19 முதல் ஜூன் 1ம் தேதி மக்களவை தேர்தல் நடைபெற உள்ளது. இந்த தேர்தலில் வாக்களிக்க 85வயதிற்கு மேற்பட்டோர் மற்றும் மாற்றுத்திறனாளிகளுக்கு தபால் மூலம் வாக்களிக்க படிவம் விநியோகிக்கப்பட்டுள்ளது. தமிழகம் மற்றும் புதுவையில் ஏப்ரல் 19ம் தேதி நடைபெறவுள்ளது. அந்த வகையில், மாற்றுத்திறனாளிகள் மற்றும் 85வயதிற்கு மேற்பட்ட முதியவர்களுக்கு வீட்டில் இருந்தே தபால் மூலம் வாக்களிக்க தேர்தல் ஆணையம் ஏற்பாடுகளை செய்து வருகிறது. இவர்களுக்கு தபால் மூலம் வாக்களிக்கும் வகையில் 12டி படிவம் மார்ச் 20ம் முதல் வழங்கப்பட்டு வருகிறது.
3 நாடாளுமன்ற தொகுதிகளில் உள்ள வாக்குச்சாவடிநிலை அலுவலர்கள் வீடு வீடாக சென்று 85 வயதுக்கு மேற்பட்டோர் மற்றும் மாற்றுத்திறனாளிகளுக்கு வழங்கி வருகின்றனர். இதற்காக சென்னையில் மட்டும் 4,676 வாக்குச்சாவடி நிலை அலுவலர்கள் பணியில் ஈடுபடுத்தப்பட்டுள்ளனர். இந்நிலையில்,நேற்று வரையில் சென்னை மாவட்டத்தில் உள்ள 3 நாடாளுமன்ற தொகுதிகளிலும் 85வயதிற்கு மேற்பட்ட வாக்காளர்களுக்கு 45716 விண்ணப்ப படிவங்களும் மாற்றுத்திறனாளி வாக்காளர்களுக்கு 9639 விண்ணப்ப படிவங்களும் விநியோகிக்கப்பட்டுள்ளது.
இதில் இதுவரை 794 பேரிடம் விண்ணப்ப படிவங்கள் பெறப்பட்டுள்ளன. இதுவரையில், மொத்தம் 55 ஆயிரத்து 355 படிவங்கள் கொடுக்கப்பட்டுள்ளது. இதில், 5030 படிவங்கள் மட்டுமே பெறப்பட்டு உள்ளது என சென்னை மாநகராட்சி அதிகாரப்பூர்வமாக அறிவித்துள்ளது . நிரப்பிய படிவத்தை சமர்பிப்பதற்கு இன்று மார்ச் 25ம் தேதி திங்கட்கிழமை கடைசி நாள் என அறிவிக்கப்பட்டுள்ளது.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
பங்குனி உத்திரத்தின் மகத்துவம் தெரிஞ்சுக்கோங்க..!