உலக செஸ் சாம்பியன்ஷிப் போட்டி... 5வது சுற்றிலும் இந்திய வீரர் குகேஷ் டிரா!

உலக செஸ் சாம்பியன்ஷிப் போட்டிகள் சிங்கப்பூரில் நடைபெற்று வரும் நிலையில் இதில்  நடப்பு சாம்பியனான சீனாவின் டிங் லிரெனும், கிராண்ட் மாஸ்டர் பட்டம் வென்ற இந்திய வீரர் குகேஷும் விளையாடி வருகின்றனர். மொத்தம் 14 சுற்றுகளைக் கொண்ட இந்தத் தொடரில் முதலில் 7.5 புள்ளிகள் பெறும் நபர் தான்வெற்றியாளராக அறிவிக்கப்படுகிறார்.  இந்தத் தொடரின் முதல் சுற்றில் குகேஷ் தோல்வியடைந்துள்ளார். 2 வது சுற்று டிராவிலும், 3 வது சுற்றில் குகேஷ் வெற்றியும் பெற்றிருந்தார்.

நேற்று நவம்பர் 29ம் தேதி நடைபெற்ற 4வது சுற்று டிராவில் முடிவடைந்தது. தொடர்ந்து, இன்று நடைபெற்ற 5வது சுற்றும் டிராவில் முடிவடைந்துள்ளது.ஆட்டத்தின் போது ஒரு நகர்த்தலில் குகேஷ் தனது யானையை (ரூக்) வைத்து லிரெனின் மந்திரியை (பிஷப்) வெட்டாமல் சிப்பாயை (பான்) வைத்து வெட்டியது  லிரெனுக்கு சாதகமாக மாறியது.  அடுத்தடுத்த நகர்வுகளில் சமயோசிதமான முறையில் விளையாடிய குகேஷ் ஆட்டத்தை டிராவுக்கு கொண்டு சென்றுள்ளார்.  

இதில் லிரென் சற்றே ஏமாற்றமடைந்துள்ளார்.  இந்தத் தொடரில் குகேஷ் வெள்ளைக் காய்களில் விளையாடி டிரா செய்தது இது முதல்முறையாக உள்ளது. இதுவரை நடைபெற்ற 5  போட்டிகளின் முடிவில் இருவரும் தலா 2.5 புள்ளிகள் பெற்று புள்ளிப்பட்டியலில் சமமாக இருந்து வருகின்றனர்.  நாளை டிசம்பர் 1ம் தேதி 6வது போட்டி  நடைபெறுகிறது.  இந்திய நேரப்படி நாளை பிற்பகல்  2.30 மணியளவில் நேரலை ஒளிபரப்பாகும் எனத் தெரிவிக்கப்பட்டுள்ளது.

கார்த்திகை ஸ்பெஷல்... சங்காபிஷேகம் விரதமுறை, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!