'என்ன ரொம்ப டார்ச்சர் பண்றாங்க’.. சென்னை போலீஸ் கமிஷனரிடம் கானா பாடகி புகார்!

பிரபல கானா  பாடகி இசைவாணி சென்னை மண்ணடி பகுதியை சேர்ந்தவர். பல்வேறு இசை நிகழ்ச்சிகளில் கானா  பாடல்களை பாடி வருகிறார். தனியார் தொலைக்காட்சி ரியாலிட்டி ஷோக்களிலும் பங்கேற்றுள்ளார். இந்நிலையில், 2019 ஆம் ஆண்டு மயிலாப்பூரில் ''ஐ ஆம் ஸாரி அய்யப்பா'' என்ற பாடலைப் பாடிய அவர், இந்தப் பாடலை தொடர்ந்து பல்வேறு நிகழ்ச்சிகளில் பாடி வருகிறார்.

இந்த பாடல் சமீபத்தில் சமூக வலைதளங்களில் ட்ரெண்ட் ஆகி எதிர்மறையான விமர்சனங்களைப் பெற்றதையடுத்து சர்ச்சையானது. இந்நிலையில் கானா  பாடகி இசவாணி சென்னை போலீஸ் கமிஷனர் அலுவலகத்தில் புகார் மனு ஒன்றை அளித்துள்ளார். அதில் கானா  பாடல்கள் மற்றும் சமூக விழிப்புணர்வு பாடல்களை பாடி வருவதாக கூறியுள்ளார். அதேபோல், 2019-ம் ஆண்டு ‘ஐ ஆம் ஸாரி அய்யப்பா’ பாடல்களை தான் பாடியதாகவும், அந்த பாடல் சமூக வலைதளங்களில் வைரலாகி வருவதாகவும், கடந்த இரண்டு நாட்களாக தனக்கு பல்வேறு எண்களில் இருந்து கொலை மிரட்டல்கள் வருவதாகவும் கூறியுள்ளார்.

மேலும் தன்னிடம் கேவலமாக பேசப்படுவதாகவும், சமூக விரோதிகள் தனது புகைப்படத்தை மார்பிங் செய்து சமூக வலைதளங்களில் பரப்பி வருவதாகவும் கூறியுள்ளார். மேலும், நான்கு ஆண்டுகளுக்கு முன் பாடப்பட்டு பொதுமக்களிடம் பெரும் வரவேற்பை பெற்ற நிலையில், தற்போது சமூகத்தில் பதற்றத்தை ஏற்படுத்தி பொது அமைதியை சீர்குலைக்க சிலர் திட்டமிட்டு செயல்படுவதாக புகார் மனுவில் கூறப்பட்டுள்ளது. இதனால் தான் கடும் மன உளைச்சலுக்கு ஆளானதாக மட்டுமின்றி, சமூக விரோதிகளால் அச்சுறுத்தப்படுகின்ற அச்சத்திலும் இருப்பதாகவும் அவர் கூறியுள்ளார்.

எனவே, தொலைபேசி மூலம் தொடர்ந்து கொலைமிரட்டல் விடுத்து வருபவர்கள் மீது உரிய நடவடிக்கை எடுக்க வேண்டும் என்றும், மிரட்டல் வந்த எண்களைக் குறிப்பிட்டு தனது உயிருக்கும், உடமைக்கும் பாதுகாப்பு அளிக்க வேண்டும் என்றும் காவல்துறை ஆணையர் அலுவலகத்தில் கானா பாடகி இசைவாணி புகார் அளித்துள்ளார். 

கார்த்திகை ஸ்பெஷல்... சங்காபிஷேகம் விரதமுறை, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்..!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!