நேரில் வர முடியாத சூழ்நிலை.. வீடியோ காலில் விவாகரத்து.. பரபரப்பு உத்தரவிட்ட நீதிபதி!

சென்னையை சேர்ந்த பெண் ஒருவர் உயர்நீதிமன்றத்தில் தாக்கல் செய்த மனுவில், எனக்கு கடந்த 2016ம் ஆண்டு சென்னை சேத்துப்பட்டில் இந்து முறைப்படி திருமணம் நடந்தது. பெரியமேட்டில் உள்ள பதிவு அலுவலகத்தில் திருமணம் பதிவு செய்யப்பட்டுள்ளது. திருமணத்திற்கு பிறகு நானும் எனது கணவரும் அமெரிக்காவில் உள்ள வாஷிங்டன் மாகாணத்தில் வசித்து வந்தோம்.

இருவருக்கும் இடையே கருத்து வேறுபாடு காரணமாக பிரிந்து செல்ல முடிவு செய்து 2021 முதல் பிரிந்து வாழ்ந்து வருகிறோம். இதையடுத்து, ஜீவனாம்சம் எதுவும் கேட்கக் கூடாது, சொத்து இருந்தால், உரியவரிடம் ஒப்படைக்க வேண்டும் என்ற நிபந்தனையுடன் விவாகரத்து பெற முடிவு செய்யப்பட்டது. இதையடுத்து சென்னை குடும்பநல நீதிமன்றத்தில் விவாகரத்து கேட்டு வழக்கு தொடர்ந்தேன். விசா பிரச்னையால் எனது கணவர் இந்தியாவுக்கு விசாரணைக்கு வர முடியாத நிலையில், அவரது தந்தை பவர் ஏஜென்டாக மனு தாக்கல் செய்தார்.

2023ல் தாக்கல் செய்யப்பட்ட விவாகரத்து வழக்கு நவம்பர் 15ம் தேதி வரை நிலுவையில் இருந்தது. நவம்பரில் மீண்டும் விசாரணைக்கு வந்தபோது விசா பிரச்னையால் என் கணவர் நேரில் ஆஜராகாததால் வழக்கு மீண்டும் மீண்டும் ஒத்திவைக்கப்பட்டது.இந்நிலையில், பணி நிமித்தமாக அமெரிக்கா செல்லும் முன் எனது தாயாரை பவர் ஏஜென்டாக ஏற்க வேண்டியுள்ளது. வீடியோ காட்சியை விசாரணைக்கு அனுமதிக்க  நீதிமன்றம் சார்பில் வழக்கறிஞர் ஒருவரை நியமிக்கக் கோரி மனு தாக்கல் செய்தேன். ஆனால் எனது கணவரும் இதே கோரிக்கையுடன் மனு செய்ததால் எனது மனுவை நீதிமன்றம் ஏற்கவில்லை.

அமெரிக்க தூதரகத்தில் இருந்து வீடியோ கான்பரன்சிங் மூலம் ஆஜராகுமாறு குடும்ப நீதிமன்றம் உத்தரவிட்டது. ஆனால், இந்தியாவிற்கும் அமெரிக்காவிற்கும் 12 1/2 மணிநேர வித்தியாசம் உள்ளது. எனவே காலை 10 மணிக்கு விசாரணையை தொடங்க வேண்டும் என கோரிக்கை விடுக்கப்பட்டது. பின்னர் நாங்கள் இருவரும் காணொலி காட்சி மூலம் ஆஜராகியபோது, ​​அமெரிக்க தூதரகத்தில் இல்லாததால் குடும்ப நல நீதிமன்றம் மனுக்களை ஏற்க மறுத்ததை எதிர்த்து இந்த வழக்கு தொடரப்பட்டது' என அந்த பெண் தனது மனுவில் குறிப்பிட்டுள்ளார்.

வழக்கை விசாரித்த உயர் நீதிமன்ற நீதிபதி நிர்மல் குமார், குற்ற வழக்குகளில் மட்டும் சம்பந்தப்பட்ட நபர்கள் நேரில் ஆஜராக வேண்டும் என்பது கட்டாயம். மற்ற சந்தர்ப்பங்களில், குறிப்பாக, விவாகரத்து வழக்குகளில், வீடியோ மூலம் ஆஜராக வாய்ப்பு வழங்கப்பட வேண்டும். விவாகரத்து மனுதாரர்கள் நேரில் ஆஜராக வேண்டிய அவசியமில்லை. இவர்கள் இருவரும் தொடர்பான ஆதாரங்கள் மற்றும் பிரமாணப் பத்திரங்கள் ஏற்கனவே நீதிமன்றத்தில் சமர்ப்பிக்கப்பட்டுள்ளன.

மேலும், இருவரும் அமெரிக்காவில் பணிபுரிபவர்கள் என்பதால் ஒவ்வொரு முறை விசாரணை நடக்கும் போதும் நேரில் ஆஜராக வேண்டும் என்று கூற முடியாது. இன்று, உலகின் எந்த மூலையில் இருந்தாலும் யாருக்கும் நீதி வழங்க வீடியோ கண்காணிப்பு விரிவடைந்துள்ளது. எனவே, வீடியோ கான்பரன்சிங் மூலம் விசாரணை நடத்தப்படுவதை நீதிமன்றம் உறுதி செய்ய வேண்டும்.

விவாகரத்து வழக்கு நிலுவையில் இருக்கும்போது அவர்கள் நேரில் ஆஜராவதால் எந்தப் பயனும் இல்லை. இனிமேல், விவாகரத்து வழக்கு தாக்கல் செய்யும்போது, ​​இரு தரப்பினரின் முன்னிலையில் மட்டுமே போதுமானது. வீடியோவில் தோன்றும் நபர்கள் தங்கள் அடையாளங்களுடன் எங்கு தோன்றுகிறார்கள் என்பதைக் குறிப்பிட வேண்டும். எல்லாம் சரியாக இருப்பதாக கருதினால் விவாகரத்து வழங்கலாம்,' என உத்தரவிட்டார்.

அக்டோபரில் பிறந்தவங்க அதிர்ஷ்டசாலிகள்... இது எல்லாமே அவங்களோட இயல்புகளா இருக்கும்!

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை...

 ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

இந்த 8 நட்சத்திரக்காரர்களுக்கு அதிர்ஷ்ட மழை... வாய்ப்பை பயன்படுத்திக்கோங்க!