இன்று ராம நவமி... அயோத்தி ராமர் நெற்றியில் சூரிய திலகம்... சூரியன் வழிபடுவதைக் காண குவியும் பக்தர்கள்!

இன்று ராம நவமியை முன்னிட்டு உலகம் முழுவதும் பக்தர்கள் ராம நாமத்தை உச்சரித்து வழிபட்டு வருகின்றனர். இந்நிலையில், உத்தரபிரதேச மாநிலம் அயோத்தியில் ராம ஜென்ம பூமியில் நிறுவப்பட்டுள்ள ராமர் கோவிலில் ராம நவமியான இன்று ராமரின் நெற்றியில் சூரிய ஒளி விழுவதைக் கண்டு பக்தர்கள் பரவசமடைந்தனர். 

கடந்த வருடம் ஜனவரி 21ம் தேதி அயோத்தி ராமர் கோவிலில் கும்பாபிஷேகம் விமரிசையாக நடத்தப்பட்டது. உலகம் முழுவதும் இருந்து பல்வேறு ஆன்மிகவாதிகள், அரசியல் தலைவர்கள் விழாவில் கலந்து கொண்டனர்.  இந்த கோவிலில் தினமும் லட்சக்கணக்கானோர் சாமி தரிசனம் செய்து வருகின்றனர். இன்று ராம நவமி  உலகம் முழுவதும் விஷ்ணு பக்தர்களால் அனுஷ்டிக்கப்பட்டு வரும் நிலையில், ராமரின் பிறப்பை குறிக்கும் ராம நவமியை முன்னிட்டு அயோத்தி ராமர் கோயிலில் லட்சக்கணக்கில் பக்தர்கள் குவிகின்றனர். 

இன்றைய தினம் அயோத்தி பால ராமரின் 'சூரிய அபிஷேகம்' நிகழ்வு மிகவும் சிறப்புவாய்ந்தது. அதாவது இன்று பிற்பகலில் சூரியனின் கதிர்கள் ராமர் சிலையின் நெற்றியில் விழும் வகையில் கோவில் வடிவமைக்கப்பட்டு ராம் லல்லா சிலை நிறுவப்பட்டுள்ளது. இன்று ராம நவமி தினத்தில் அயோத்தியில் குழந்தை ராமருக்கு ‘சூரிய அபிஷேகம்’ அல்லது ‘சூரிய திலகம்’ என்ற அரிய  நிகழ்வு நடைபெறும். ராமரின் நெற்றியில் சூரியனின் கதிர்கள் விழும் நிகழ்வை காண பக்தர்கள் மிகுந்த ஆர்வத்துடன் காத்திருக்கின்றனர். 

குழந்தை ராமருக்கு இன்று பிற்பகலில் 'சூர்யா அபிஷேகம்' பரிசாக வழங்கப்படும் என பக்தர்கள் பரவசத்துடன் எதிர்பார்த்து, நேரில் தரிசிக்க குவிந்து வருகின்றனர்.

இந்நிகழ்வின் மூலம் சூரியக் கதிர்கள் தொடர்ச்சியான ஆப்டிகல் கருவி மூலம் திசை திருப்பப்படும். சூரியக் கதிர்கள் ராமரின் நெற்றியில் பிரகாசிக்கும். தொடர்ந்து 4  நிமிடங்களுக்கு 75 மில்லிமீட்டர்கள் வரை வட்ட வடிவில் திலகம் போல பால ராமரின் நெற்றியில் சூரிய ஒளி படும். "ராமர் சிலையின் நெற்றி மையத்தில் திலகத்தின் சரியான காலம் சுமார் மூன்று முதல் மூன்றரை நிமிடங்கள் வரையில் நீடிக்கும். அதில் 2 முழு நிமிடங்கள் முழு வெளிச்சம் இருக்கும்" என என  CSIR-CBRI ரூர்க்கியின் விஞ்ஞானி டாக்டர் எஸ் கே பானிக்ராஹி கூறியுள்ளார்.  

இந்த ஏற்பாடுகள் குறித்து ஸ்ரீ ராமர் ஜென்மபூமி தீர்த்த க்ஷேத்ரா அறக்கட்டளை உறுப்பினர் அனில் மிஸ்ரா, “சூரிய திலகத்தின் போது, ராமர் கோயிலுக்குள் பக்தர்கள் அனுமதிக்கப்படுவார்கள். ராம நவமி கொண்டாட்டங்களைக் காட்டும் வகையில் கோயில் அறக்கட்டளையால் சுமார் 100 எல்இடிகளும், அரசாங்கத்தால் 50 எல்இடிகளும் வைக்கப்பட்டுள்ளன.   

தரிசனத்தின் போது ஏற்படும் இடையூறு மற்றும் நேர விரயத்தைத் தவிர்க்க, பக்தர்கள் தங்கள் மொபைல் போன்கள் மற்றும் பிற மதிப்புமிக்க பொருட்களை கொண்டு வர வேண்டாம் என  அறிவுறுத்தப்பட்டுள்ளனர். பக்தர்களுக்கான சேவை மையம் நிறுவப்பட்டுள்ளது. அரசு தொலைக்காட்சியான தூர்தர்ஷனில் ராமர் கோவில் ராம நவமி கொண்டாட்டங்கள் நேரடியாக ஒளிபரப்பப்படும் எனத் தெரிவிக்கப்பட்டுள்ளது.  

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க நட்சத்திரத்துக்கு லாபம் தரும் துறை எது?