அதிர்ச்சி... துப்பாக்கி முனையில் பெண் போலீஸ் பலாத்காரம்.. சப்-இன்ஸ்பெக்டர் வெறிச்செயல்!

துப்பாக்கி முனையில் மிரட்டி பெண் காவலரை பலாத்காரம் செய்து அதிர வைத்திருக்கிறார் சப்-இன்ஸ்பெக்டர் ஒருவர். தெலுங்கானா முழுவதும் பெரும் பரபரப்பை ஏற்படுத்தியிருக்கிறது இந்த கொடூர செயல். தெலுங்கானா மாநிலம் பூபாலபள்ளி மாவட்டம் காலேஸ்வரத்தில் காவல் நிலையத்தில் சப்-இன்ஸ்பெக்டராக பணிபுரிந்து வந்தவர் பாவனீசன் கவுட். இதே காவல் நிலையத்தில் பெண் போலீஸ் ஒருவர் வேலை செய்து வருகிறார். அந்த பெண் போலீசை அடைய சப்-இன்ஸ்பெக்டர் பல நாட்களாக முயற்சி செய்து வந்துள்ளார்.

இதற்காக கடந்த ஒரு மாதமாக பாலியல் தொந்தரவு செய்து வந்ததாக தெரிகிறது. சப்-இன்ஸ்பெக்டர், பெண் போலீஸ் ஒரே அடுக்குமாடி குடியிருப்பில் தனித்தனி வீடுகளில் வசித்து வருகிறார்கள். சம்பவத்தன்று நள்ளிரவு ஒரு மணிக்கு ஜன்னல் வழியாக குதித்து பெண் போலீஸ் வீட்டுக்குள் சப்-இன்ஸ்பெக்டர் நைசாக புகுந்தார். அங்கு தூங்கிக்கொண்டிருந்த பெண் போலீசை எழுப்பி, பலாத்காரம் செய்ய முயற்சித்தார்.
 
அவரை பார்த்து அதிர்ச்சி அடைந்த பெண் போலீஸ், எதிர்ப்பு தெரிவித்து அலறினார். உடனே கையில் இருந்த துப்பாக்கியை காட்டி, ஆசைக்கு இணங்காவிட்டால் கொன்று விடுவேன் என்று மிரட்டி அவரை வலுக்கட்டாயமாக பாலியல் பலாத்காரம் செய்தார்.

இந்த சம்பவத்தை வெளியே சொன்னால் அதிகாரத்தை பயன்படுத்தி தொலைத்து விடுவேன் என்றும் மிரட்டி விட்டு சென்று விட்டார். இருந்தபோதிலும் பாதிக்கப்பட்ட பெண் போலீஸ் தைரியமாக போலீசில் தனக்கு நேர்ந்த கொடுமைகளை புகாராக கொடுத்தார். போலீசாரின் தீவிர விசாரணையில் சப்-இன்ஸ்பெக்டர் பெண் போலீசை பாலியல் பலாத்காரம் செய்தது உறுதியானது.

 
இதனையடுத்து அவரை போலீசார் கைது செய்து சிறையில் அடைத்தனர். மேலும் சப்-இன்ஸ்பெக்டரை பணியிடை நீக்கம் செய்து மாநில காவல் டிஜிபி அதிரடியாக உத்தரவிட்டார். கைதான சப்-இன்ஸ்பெக்டர் இதற்குமுன்பு இதேபோல 3 பெண் போலீசாரை பாலியல் வன்கொடுமைக்கு ஆளாக்கிய அதிர்ச்சி தகவலும் வெளியாகி பரபரப்பை ஏற்படுத்தியுள்ளது.

காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!