அதிர்ச்சி.. பக்தர்கள் சென்ற வாகனம் மீது லாரி மோதி கோர விபத்து.. 8பேர் பலியான சோகம்!

ஹரியானா மாநிலம் குருஷேத்திரத்தில் இருந்து ராஜஸ்தானின் கோகமேடிக்கு பக்தர்களை ஏற்றிக்கொண்டு பயணிகள் வேன் ஒன்று நேற்று இரவு சென்று கொண்டிருந்தது. இந்த வேனில் சுமார் 15 பேர் பயணம் செய்தனர். இந்நிலையில், நேற்று இரவு, ஹிசார்-சண்டிகர் நெடுஞ்சாலையில்  வேன் சென்று கொண்டிருந்தபோது, ​​பின்னால் வந்த லாரி ஒன்று அதிவேகமாக வேன் மீது மோதியது. வேன் கட்டுப்பாட்டை இழந்து பள்ளத்தில் கவிழ்ந்து பயங்கர விபத்துக்குள்ளானது.

நள்ளிரவு நேரம் என்பதால் அப்பகுதியில் சில வாகனங்கள் மட்டுமே சென்று கொண்டிருந்தன. விபத்தை பார்த்த வாகன ஓட்டிகள் சிலர் பள்ளத்தில் இறங்கி விபத்தில் சிக்கியவர்களை மீட்க முயன்றனர். ஆனால் பயணிகள் அனைவரும் வேனின் அடியில் சிக்கியதாலும், இரவு நேரமானதாலும் மீட்பு முயற்சி தோல்வியில் முடிந்தது. இதற்கிடையில் தகவல் அறிந்து வந்த போலீசார் ரத்த வெள்ளத்தில் கிடந்த வேன் பயணிகளை மீட்டு உடனடியாக நர்வானா அரசு மருத்துவமனைக்கு அனுப்பி வைத்தனர்.

அப்போது, ​​வேனில் பயணம் செய்த 15 பேரில் 8 பேர் ஏற்கனவே உயிரிழந்தது தெரிய வந்தது. விபத்து குறித்து வழக்குப் பதிவு செய்துள்ள ஜின்ட் போலீஸார், பிரேதப் பரிசோதனைக்குப் பிறகு சடலங்கள் உறவினர்களிடம் ஒப்படைக்கப்படும் என்றும், உயிரிழந்த 8 பேரின் அடையாளம் இன்னும் தெரியவில்லை என்றும் தெரிவித்தனர். மேலும் லாரியை பறிமுதல் செய்து விசாரணை நடத்தி வருவதாகவும் தெரிவித்தனர்.

இதையும் பிடிச்சிருந்தா படிச்சு பாருங்க

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பகீர்! கல்லூரி மாணவியைக் கடத்தி பாலியல் வன்கொடுமை!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!

வீடியோ! குளிக்கச் சென்றவரை உயிரோடு முழுங்கிய முதலை