செந்தில் பாலாஜி அமைச்சராக தடையில்லை... வழக்கறிஞர் விளக்கம்!

 தமிழகத்தின் முன்னாள் அமைச்சர் செந்தில்பாலாஜி சட்ட விரோத பணப் பரிமாற்ற தடை சட்ட வழக்கில், அமலாக்கத்துறையால் 2023 ஜூன் மாதம் 14ம் தேதி  நள்ளிரவில் கைது செய்து சிறையில் அடைக்கப்பட்டார். ஓராண்டுக்கும் மேலாக சிறையில் இருந்து வரும் செந்தில் பாலாஜி,  ஜாமீன் வழங்கக்கோரி உச்சநீதிமன்றத்தில் மனு தாக்கல் செய்தார்.  இந்த வழக்கின் இறுதி விசாரணை ஆகஸ்ட்  12ம் தேதி முடிவடைந்த நிலையில், இன்று செந்தில் பாலாஜிக்கு நிபந்தனை ஜாமீன் வழங்கப்பட்டுள்ளது. 

இந்த தீர்ப்பு குறித்து  திமுக மூத்த வழக்கறிஞர் என்.ஆர்.இளங்கோ, “உச்சநீதிமன்றம்  செந்தில் பாலாஜிக்கு நிபந்தனை ஜாமீன் கொடுத்துள்ளது.  15 மாதங்களுக்கும் மேலாக வெறும் விசாரணை குற்றவாளியாக இருந்து வந்தார்.  
ஜாமினில் கொடுக்கப்பட்ட நிபந்தனைகள் :
* ரூ. 25 லட்சத்திற்கு  இரண்டு நபர்கள் ஜாமீன் கொடுக்க வேண்டும்.
* ஒவ்வொரு திங்கள் மற்றும் வெள்ளிக்கிழமைகளில்  அமலாக்கத்துறை அலுவலகத்தில் ஆஜராகி கையெழுத்திட வேண்டும் 
* அனைத்து குற்றவியல் நடைமுறைகளுக்கும் ஒத்துழைப்பு தர வேண்டும்;  தேவை இல்லாமல் வாய்தாக்கள் கேட்கக்கூடாது 
* சாட்சிகளை கலைக்கக் கூடாது  என தெரிவித்துள்ளது. அதே நேரத்தில் அவர் மீண்டும் அமைச்சர் ஆவதற்கு எந்த தடையும் இல்லை என வழக்கறிஞர் தெரிவித்துள்ளார். 

இந்த தீர்ப்புக்கு தமிழகமுதல்வர் ஸ்டாலின்  வரவேற்பு தெரிவித்துள்ளார். இதுகுறித்து தனது எக்ஸ் தளத்தில்   “ஆருயிர் சகோதரர் செந்தில் பாலாஜி அவர்களுக்கு 471 நாட்களுக்குப் பிறகு, உச்ச நீதிமன்றத்தால் பிணை கிடைத்திருக்கிறது.  அமலாக்கத் துறை அரசியல் எதிரிகளை ஒடுக்கும் துறையாக மாற்றப்பட்ட தற்போதைய சூழலில், அதற்கு உச்சநீதிமன்றம் மட்டுமே ஒன்றே விடியலாக இருக்கிறது.
எமர்ஜென்சி காலத்தில் கூட இவ்வளவு நாட்கள் சிறை வாழ்க்கை கிடையாது. அரசியல் சதிச் செயல்கள் 15 மாதங்கள் தொடர்ந்தன. கைது செய்து சிறையிலேயே வைத்து  சகோதரர் செந்தில் பாலாஜியின் உறுதியைக் குலைக்க நினைத்தார்கள். தற்போது முன்னிலும் உரம் பெற்றவராய்ச் சிறையில் இருந்து வெளியில் வரும் சகோதரர் செந்தில் பாலாஜியை வருக வருக என வரவேற்கிறேன். உன் தியாகம் பெரிது! உறுதி அதனினும் பெரிது!” என பதிவிட்டுள்ளார்.  

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

செல்வம் நிலைத்திருக்க புரட்டாசி சனிக்கிழமை வழிபாடு, பலன்கள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

புரட்டாசி மாதத்தில் ஏன் அசைவம் சாப்பிடக்கூடாது ... விஞ்ஞான விளக்கம்!