சாதனை... ஒரே நாளில் 10 மில்லியன்... யூடியூப்பை அதிர விட்ட ரொனால்டோ!
உலக அளவில் கால்பந்து வெறியர்களின் சூப்பர் ஸ்டாராக கொண்டாடப்படுபவர் கிறிஸ்டியானோ ரொனால்டோ . 39 வயதான போர்ச்சுகீசிய ஜாம்பவான் யூடியூப் சேனல் மூலம் டிஜிட்டல் உலகில் நுழைந்த ஒரே நாளில் 10 மில்லியன் சப்ஸ்கிரைபர்களைப் பெற்று சாதனை படைத்துள்ளார். இவர் அதிவேகமாக வளர்ந்த யூடியூப் சேனலுக்கான சாதனையை முறியடித்துள்ளார்.
ரொனால்டோ தனது யூடியூப் சேனலான யுஆர் கிறிஸ்டியானோவை ஆகஸ்ட் 21ம் தேதி புதன்கிழமை தொடங்கினார். இந்த சேனல் உலகம் முழுவதும் உள்ள அவரது கோடிக்கணக்கான ரசிகர்கள் உடனே அவரது சேனலுக்கு சப்ஸ்கிரைப் செய்துள்ளனர்.
அவரது நண்பரான ஜார்ஜினா ரோட்ரிக்ஸ் உடன் வேடிக்கையான வினாடி வினா விளையாட்டு, மேடம் டுசாட்ஸில் ரொனால்டோ தனது மெழுகு உருவத்தை சந்தித்தது போன்ற பல வீடியோக்களை இந்த சேனலில் பதிவிட்டுள்ளார். புதியதாக தொடங்கப்பட்ட ரொனால்டோவின் சேனல் 90 நிமிடங்களுக்குள் 1 மில்லியனுக்கும் அதிகமான சப்ஸ்கிரைபர்களைப் பெற்றது. இந்த மைல்கல்லை மிக விரைவாக எட்டியவர் ரொனால்டோ மட்டுமே என்கின்றன சமூக வலைதலங்கள். 6 மணிநேரத்திற்குள், இந்த எண்ணிக்கை 6 மில்லியனைத் தாண்டியது.
இதற்கு முன் ஹாம்ஸ்டர் கோம்பட் 7 நாட்களில் 10 மில்லியன் மைல்கல்லை எட்டியதுதான் முந்தைய சாதனையாக இருந்தது. இப்போது ரொனால்டோவின் சேனல் அந்த சாதனையை முறியடித்துள்ளது. தற்போது கிட்டத்தட்ட 12 மில்லியன் சப்ஸ்கிரைபர்களை பெற்று தொடர்ந்து எண்ணிக்கை கூடிக்கொண்டே போகிறது.
இது குறித்து ரொனால்டோ கால்பந்து ஜாம்பவான் தனது ரசிகர்களுக்கு நன்றி தெரிவித்துள்ளார். அதில், "SIUUUscribers" என விளையாட்டுத் தனமாக குறிப்பிட்டு நன்றி கூறியிருக்கிறார். "எனது குடும்பத்திற்கு ஒரு பரிசு … அனைத்து சப்ஸ்கிரைபர்களுக்கும் நன்றி!" என ரொனால்டோ தெரிவித்துள்ளார். தன் சேனலுக்குக் கிடைத்த கோல்டு ப்ளே பட்டனை தனது குழந்தைகளுக்கு காண்பிக்கும் காட்சியையும் பதிவிட்டுள்ளார்.
"காத்திருப்பு முடிந்தது. இறுதியாக, எனது யூடியூப் சேனல் வந்துவிட்டது. இந்தப் புதிய பயணத்தில் என்னுடன் இணைந்திருங்கள்" என குறிப்பிட்டிருந்தார்.
இதையும் பிடிச்சிருந்தா படிச்சு பாருங்க
வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!
பகீர்! கல்லூரி மாணவியைக் கடத்தி பாலியல் வன்கொடுமை!
பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!