பிரியங்கா காந்தி வயநாட்டில் முன்னிலை!

இந்தியாவில் மகாராஷ்டிரா, ஜார்க்கண்ட், வயநாடு தொகுதிகளில் நடைபெற்ற தேர்தலில் பதிவான வாக்குகள் இன்று காலை முதல் எண்ணப்பட்டு வருகின்றன.  வயநாடு தொகுதியை பொறுத்தவரை இன்று காலை 9.45 மணி நிலவரப்படி, பிரியங்கா காந்தி 68,000 வாக்குகள் பெற்றுள்ளார். கம்யூனிஸ்ட் கட்சி வேட்பாளர் 20000 வாக்குகளைப் பெற்றிருக்கிறார். பாஜக வேட்பாளர் 11000  வாக்குகளுடன் 3 வது இடத்தில் உள்ளார்.
நாடு முழுவதும் நடைபெற்ற இடைத்தேர்தல்களில் பதிவான வாக்குகள் எண்ணப்பட்டு வருகின்றன. 14 மாநிலங்களில் இருக்கும் 48 பேரவைத் தொகுதிகளுக்கும், வயநாடு மற்றும் மகாராஷ்டித்தில் ஒரு தொகுதி என 2  மக்களவைத் தொகுதிகளுக்கும் இடைத்தேர்தல் நடைபெற்றது.

வாக்கு எண்ணிக்கை நிலவரம்

காங்கிரஸ் - பிரியங்கா - 1.2 லட்சம்
இந்திய கம்யூ. - சத்யன் மொகேரி - 36,000
பாஜக - நவ்யா ஹிரிதாஸ் - 21,442
2024 மக்களவைத் தேர்தலில் வயநாடு தொகுதியில் வேட்பாளராக களமிறங்கிய ராகுல் காந்தி, உத்தரப்பிரதேச மாநிலம் ரேபரேலியிலும் போட்டியிட்டு வெற்றி பெற்றார்.

இரு தொகுதிகளிலும் வென்ற ராகுல் காந்தி, ரேபரேலி மக்களவைத் தொகுதியை தக்கவைத்துக் கொண்டு, எதிர்க்கட்சித் தலைவர் அந்தஸ்தையும் பெற்றார். அவர் வயநாடு மக்களவைத் தொகுதியின் எம்.பி. பதவியை ராஜினாமா செய்திருந்தார். இதனைத் தொடர்ந்து நவம்பர் 13ம் தேதி வயநாடு மக்களவைத் தொகுதி இடைத்தேர்தலுக்கான வாக்குப்பதிவு நடைபெற்று முடிந்து இன்று காலை வாக்கு எண்ணிக்கைத் தொடங்கியிருப்பது குறிப்பிடத்தக்கது.  

கார்த்திகை ஸ்பெஷல்... சங்காபிஷேகம் விரதமுறை, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்..!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!