கர்ப்பமான பிளஸ் 2 மாணவி தற்கொலை.. காதலனுக்கு ஆயுள் தண்டனை விதித்தது நீதிமன்றம்!

 கர்ப்பமான மாணவி தற்கொலை செய்து கொண்ட வழக்கை விசாரித்த போக்சோ கடலூர் சிறப்பு நீதிமன்றம், இளைஞருக்கு ஆயுள் தண்டனை விதித்து வெள்ளிக்கிழமை தீர்ப்பளித்தது. கடலூர் மாவட்டம் பண்ருட்டி அருகே திருவதிகை பகுதியில் பிறந்தவர் சுப்புராயன் மகன் சந்தோஷ் (23). இவர்  2020இல் பிளஸ் 2 மாணவியை காதலித்து பாலியல் பலாத்காரம் செய்துள்ளார். இதில் மாணவி கர்ப்பம் தரித்துள்ளார்.

இதையடுத்து, மாணவி சந்தோஷ் வீட்டுக்குச் சென்று நியாயம் கேட்டபோது, ​​அவரை விரட்டியடித்தனர். இதனால் மனமுடைந்த சந்தோஷ் மற்றும் மாணவி இருவரும் விஷம் குடித்து தற்கொலை செய்து கொள்ள முடிவு செய்தனர். இதில், மாணவி உயிரிழந்தார். சிகிச்சைக்குப் பிறகு சந்தோஷ் குணமடைந்தார். மாணவியின் பெற்றோர் அளித்த புகாரின் பேரில் பண்ருட்டி போலீசார் வழக்குப்பதிவு செய்து சந்தோஷை கைது செய்தனர். இந்த வழக்கு விசாரணை கடலூர் போக்சோ சிறப்பு நீதிமன்றத்தில் நடந்து வந்தது.

இந்த வழக்கை வெள்ளிக்கிழமை விசாரித்த நீதிபதி லட்சுமி ரமேஷ், குற்றம் சாட்டப்பட்ட சந்தோஷுக்கு ஆயுள் தண்டனையும், பாதிக்கப்பட்ட மாணவியின் குடும்பத்துக்கு ஏதாவது அரசாங்க நிதியிலிருந்து ஒரு மாதத்திற்குள் 4 லட்சம் வழங்க வேண்டும் என்றும் நீதிபதி உத்தரவிட்டார். இந்த வழக்கில் அரசு தரப்பில் வழக்கறிஞர் ஜோதிரத்னம் ஆஜரானார்.

அக்டோபரில் பிறந்தவங்க அதிர்ஷ்டசாலிகள்... இது எல்லாமே அவங்களோட இயல்புகளா இருக்கும்!

செல்வம் நிலைத்திருக்க புரட்டாசி சனிக்கிழமை வழிபாடு, பலன்கள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

நவராத்திரி... வீட்டிற்கு வரும் சுமங்கலி பெண்களுக்கு இதை கொடுத்தால் செல்வம் சேரும்!