பகீர்... மூக்கை கடித்து துப்பிய பிட்புல் நாய்... 20 தையல்களால் இளம்பெண் கதறல்!
மகாராஷ்டிரா மாநிலத்தில் மும்பை போல்வை பகுதியில் ஜல்வாயு விஹார் ஹவுசிங் சொசைட்டியில் மிகக் கொடூரமான சம்பவம் ஒன்று நடந்துள்ளது. அந்த வகையில் 37 வயதுடைய ஒரு பெண் விஞ்ஞானி, இரு நாய்களால் தாக்கப்பட்டு படுகாயம் அடைந்துள்ளார். ஒரு பிட் புல், டோபர்மான் நாய்கள் காரிலிருந்து இறங்கி, கட்டுப்பாடின்றி பெண் மீது தொடர்ந்து தாக்குதல் நடத்தின. இந்தத் தாக்குதலில் அவரது முகத்தில் 20 தையல்கள் போடப்பட்டன. இதனால் மூக்கு முற்றிலும் சேதமடைந்து அறுவை சிகிச்சை செய்ய வேண்டிய நிலை உருவாகியுள்ளது.
நாய்களால் தாக்கப்பட்ட பெண் “நான் என் குடியிருப்பு வளாகத்துக்குள் நின்று கொண்டிருந்தபோது, ஒரு காரில் இருந்து இரண்டு நாய்கள் இறங்கின. பிட் புல் கயிற்றில் கட்டப்பட்டிருந்தாலும், டோபர்மான் கட்டப்பட்டிருந்ததா என்பது குறித்து ஞாபகம் இல்லை.” என்றார். எதிர்பாராதவிதமாக பிட் புல் நாய் நேராக அவரை நோக்கி பாய்ந்ததாகவும், அதை விரட்ட முயன்ற போதும், டோபர்மான் வந்து என்னை தரையில் தள்ளியது.
அதில் பிட் புல் என் மூக்கை கடித்து குதறியது. நான் கத்திக் கொண்டிருந்தேன், ஆனால் எவரும் உதவ வரவில்லை,” என அவர் வலியோடு கதறியுள்ளார். சில குடியிருப்புவாசிகள் ஓடோடி வந்து நாய்களை பிடித்து தள்ளினர். ரத்தம் வடிந்த நிலையில், அருகிலிருந்தவர்கள் அவரை மருத்துவமனைக்கு அழைத்துச் சென்றனர். அந்த பெண்ணின் கணவர் ஓய்வு பெற்ற ராணுவ அதிகாரி. அவர் தனது மனைவியின் மூக்கு சிதைந்ததால், nose reconstruction அறுவை சிகிச்சை செய்துள்ளதாக தெரிவித்தார்.
இச்சம்பவம் குறித்து போலீசார் வழக்குப்பதிவு செய்துள்ளனர். நாய் உரிமையாளர் திவேஷ் விர்க், ஓட்டுநர் அதுல் சாவந்த் மற்றும் உதவியாளர் ஸ்வாதி ஆகியோரிடம் இந்திய தண்டனைச் சட்டம் 291 பிரிவின் கீழ் வழக்குப் பதிவு செய்யப்பட்டு தீவிர விசாரணை நடத்தப்பட்டு வருகிறது. “பொதுமக்கள் இடத்தில் நாய்களை கட்டுப்பாட்டுடன் வைத்திருக்க வேண்டும். குழந்தைகள் மற்றும் மூத்தவர்கள் பாதுகாப்பாக இருக்க, நாய்களின் உரிமையாளர்கள் பொறுப்புடன் நடந்து கொள்ள வேண்டும்,” என பாதிக்கப்பட்ட பெண் வேண்டுகோள் விடுத்துள்ளார்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!