அட கொடுமையே... கிணற்றுக்குள் ரூ.13 கோடி மதிப்புள்ள நகைகள் பதுக்கி வைப்பு... வங்கி கொள்ளையில் அதிர வைத்த சகோதரர்கள்!

கர்நாடக மாநிலத்தில் வங்கி கொள்ளை வழக்கில் தமிழகத்தைச் சேர்ந்த அண்ணன்-தம்பி உட்பட 6 பேரை போலீசார் கைது செய்துள்ள நிலையில், அவர்கள் மதுரை உசிலம்பட்டி பகுதியில் உள்ள கிணறு ஒன்றில் பதுக்கி வைத்திருந்த ரூ.13 கோடி தங்க நகைகளை போலீசார் மீட்டனர். 

கர்நாடக மாநிலம் தாவணகெரே மாவட்டம் நியாமதி டவுன் பகுதியில் பாரத் ஸ்டேட் வங்கி உள்ளது. கடந்த ஆண்டு அக்டோபர் மாதம் 28ம் தேதி இந்த வங்கியின் ஜன்னல் கம்பியை உடைத்து ரூ.13 கோடி மதிப்பிலான 17 கிலோ 750 கிராம் தங்க நகைகளை மர்மநபர்கள் கொள்ளையடித்து சென்றனர். இந்த வழக்கில் கடந்த 6 மாதங்களாக துப்பு துலக்க முடியாமல் போலீசார் திணறினர்.

இந்நிலையில், கொள்ளை நடந்தபோது நியாமதியில் இருந்த ஒரு பேக்கரி மட்டும் அடைக்கப்பட்டு இருந்தது தெரியவந்தது. கடந்த சில நாட்களுக்கு முன்பு அந்த கடை உரிமையாளரான விஜய்குமார் (வயது30) என்பவர் போலீசார் மடக்கி பிடித்து விசாரித்தனர். அதில் அவர், அவரது தம்பி அஜய்குமார் (28) உள்பட 6 பேர் வங்கி கொள்ளையில் ஈடுபட்டது தெரியவந்தது. இதையடுத்து அவர்களை போலீசார் கைது செய்தனர்.

விசாரணையில் கைதான விஜய்குமார், அஜய்குமார் இருவரும் மதுரை மாவட்டம் உசிலம்பட்டியை சேர்ந்தவர்கள் என்பது தெரியவந்தது. விஜய்குமார், அஜய் குமார் நியாமதியில் பேக்கரி நடத்தி வந்தனர். மற்ற 4 பேரும் கூலி வேலை பார்த்து வந்தனர். விஜய்குமார் ஏற்கனவே 2 முறை அந்த வங்கிக்கு சென்று கடன் கேட்டுள்ளார்.

ஆனால் வங்கி நிர்வாகம் கடன் கொடுக்க மறுத்துள்ளது. இதனால் கோபம் அடைந்த வங்கியில் கொள்ளையடிக்க திட்டமிட்டார். இதற்காக தனது தம்பி மற்றும் அந்த பகுதியைச் சேர்ந்த கூலி தொழி லாளர்களின் உதவியை நாடினார். இதற்கு அவர்களும் சம்மதம் தெரிவித்தனர். 6 பேரும் யூ-டியூப்பில் கொள்ளையடிப்பது எப்படி என்பது குறித்த வீடியோவை 2 மாதங்களாக பார்த்து திட்டம் வகுத்துள்ளனர்.

அதன்படி சம்பவத்தன்று 6 பேரும் வங்கிக்குள் நுழைந்து ரூ.13 கோடி மதிப்பிலான 17 கிலோ 750 கிராம் தங்க நகைகளை கொள்ளையடித்து சென்றுள்ளனர். பின்னர் நகைகளை பாதுகாப்பு பெட்டகத்தில் வைத்து விஜய்குமாரின் சொந்த ஊரான உசிலம்பட்டியில் உள்ள தோட்டத்தில் இருக்கும் 30 அடி ஆழ கிணற்றில் பதுக்கி வைத்தது தெரிய வந்தது. இதையடுத்து போலீசார் உசிலம்பட்டி சென்று கிணற்றில் இருந்து ரூ.13 கோடி மதிப்பிலான நகைகளை மீட்டனர்.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

 உங்க நட்சத்திரத்துக்கு லாபம் தரும் துறை எது?