’உலகம் முழுவதும் அறியப்பட்ட கமலா ஹாரிஸ்’.. 50 கிலோ இட்லியில் உருவம் பொறித்த கலைஞர்!

உலகமே எதிர்பார்த்துக் கொண்டிருந்த அமெரிக்காவின் 47வது அதிபரை தேர்ந்தெடுப்பதற்கான தேர்தல் நேற்று நவம்பர் 5ம் தேதி முடிவடைந்து, தற்போது முடிவுகள் வெளியாகி உள்ளன. குடியரசு கட்சி சார்பில் போட்டியிடும் டிரம்புக்கும், ஜனநாயக கட்சி சார்பில் போட்டியிடும் கமலா ஹாரிஸுக்கும் இடையே கடும் போட்டி நிலவியது.

டிரம்ப் வெற்றி பெற 270 வாக்குகள் தேவை என்ற நிலையில் 248 வாக்குகள் பெற்று முன்னிலையில் இருந்தார். இந்நிலையில் பெரும்பான்மையான 270 இடங்களை விட அதிகமாக டிரம்ப் வெற்றி பெற்றுள்ளதாக அந்நாட்டு செய்தி நிறுவனமான ஃபாக்ஸ் தெரிவித்துள்ளது. இதன் மூலம் அமெரிக்காவின் 47வது அதிபராக டொனால்ட் டிரம்பின் குடியரசு கட்சி பதவியேற்றுள்ளது.

இந்நிலையில் ட்ரம்பை எதிர்த்து போட்டியிட்ட கமலா ஹாரிஸை கவுரவிக்கும் வகையில், தமிழ்நாடு சமையல் கலை தொழிலாளர் மேம்பாட்டு சங்கம் சார்பில், சென்னை கொடுங்கையூரில், சங்க தலைவர், இட்லி இனியவன் தலைமையில், 50 கிலோ இட்லி தயார் செய்யப்பட்டுள்ளது. கமலா ஹாரிஸின் உருவப்படத்தை வரைந்து பொதுமக்களுக்கு காட்சிப்படுத்தினர்.

இதுபற்றி சங்க தலைவர் இட்லி இனியவன் கூறுகையில், ''இந்தியாவின் தமிழகத்தை சேர்ந்த கமலா ஹாரிஸ், அமெரிக்க அதிபர் தேர்தலில் போட்டியிட்டுள்ளார். அவர் வெற்றி பெறுவார் என்ற நம்பிக்கையின் அடிப்படையில், தமிழ்நாடு சமையல் கலை நிறுவனம் தயார் செய்துள்ளது. 50 கிலோ எடையுள்ள இட்லி மற்றும் அதில் கமலா ஹாரிஸின் படத்தை வடிவமைத்துள்ளார்.

கமலா ஹாரிஸ் வெற்றி பெற்றால் பட்டாசு வெடித்தும், இனிப்புகள் வழங்கியும் கொண்டாட திட்டமிட்டிருந்தோம். ஆனால் தேர்தல் முடிவுகளைப் பார்க்கும்போது அவர் சற்று பின்னடைவைச் சந்தித்து வருகிறார். இருப்பினும், உலகம் முழுவதும் அறியப்பட்ட ஒரு பெண், அவருக்காக இந்த இட்லியை வடிவமைத்து எங்கள் மகிழ்ச்சியை வெளிப்படுத்தியுள்ளோம்,'' என்றார்.

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை...

 ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

இந்த 8 நட்சத்திரக்காரர்களுக்கு அதிர்ஷ்ட மழை... வாய்ப்பை பயன்படுத்திக்கோங்க!