சிறைக்கு சென்றால் 3 வேளை சாப்பாடு கிடைக்கும்.. கண்டக்டரை கத்தியால் குத்திய இளைஞர் பரபரப்பு வாக்குமூலம்!

பெங்களூருவில் நேற்று மாலை பெங்களூரு மாநகரப் பேருந்தில் வைட்ஃபீல்டில் இருந்து நகரின் மையப் பகுதிக்கு ஹரிஷ் என்ற நபர் சென்று கொண்டிருந்தார். படிக்கட்டில் நின்றவரை உள்ளே வரும்படி கண்டக்டர் கூறியதை ஏற்காமல் அந்த வாலிபர் கண்டக்டரிடம் வாக்குவாதத்தில் ஈடுபட்டார். ஒரு கட்டத்தில் இளைஞருக்கும் நடத்துனருக்கும் வாக்குவாதம் ஏற்பட்டு ஆத்திரத்தின் உச்சத்தில் இருந்த வாலிபர் திடீரென பாக்கெட்டில் இருந்த  கத்தியை எடுத்து கண்டக்டரை கத்தியால் குத்தினார்.

மறுபுறம், அந்த இளைஞன் பேருந்தில் இருந்த பொதுமக்கள் அனைவரையும் கத்தியைக் காட்டி ஆக்ரோஷமாக மிரட்ட, அனைவரும் பீதியடைந்து பேருந்தில் இருந்து கீழே ஓடினர். பேருந்தின் முன்பக்க கதவு திறக்கப்படாத நிலையில், ஓட்டுனர் இருக்கைக்கு அருகில் இருந்த கதவு திறக்கப்பட்டு, மக்கள் மிகவும் சிரமப்பட்டு வெளியே வந்தது பேருந்தின் சிசிடிவி காட்சிகளில் பதிவாகியுள்ளது. பொதுமக்கள் அனைவரும் கீழே ஓடி வர, பேருந்தில் இருந்த இளைஞன் உள்ளே இருந்த ஜன்னல் கண்ணாடிகளை அடித்து நொறுக்க ஆரம்பித்தான். கையில் இருந்த மிகப்பெரிய கல்லைக் கொண்டு பேருந்தின் கண்ணாடியை உடைக்கத் தொடங்கினார். இந்த காட்சியை சுற்றி இருந்தவர்கள் அதிர்ச்சியுடன் பார்த்து கொண்டிருந்தனர். பஸ் டிரைவர் சாமர்த்தியமாக செயல்பட்டு இளைஞரை உள்ளே வைத்து பஸ்சின் கதவுகளை அடைத்து போலீசாருக்கு தகவல் கொடுத்தார்.

இந்த தகவலையறிந்து சம்பவ இடத்திற்கு வந்த போலீசார் உடனடியாக அந்த இளைஞரை பிடித்து விசாரணை நடத்தினர். காயமடைந்த கண்டக்டர் யோகேஷ் மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ளார். தற்போது அவருக்கு சிகிச்சை அளிக்கப்பட்டு வருகிறது. இதனிடையே, கைதான ஹரிஷிடம் போலீஸார் விசாரணை நடத்தியபோது, ​​கடந்த சில மாதங்களுக்கு முன்பு பெங்களூருவில் உள்ள டெலி பெர்ஃபார்மன்ஸ் என்ற பிபிஓ நிறுவனத்தில் பணிபுரிந்து வந்ததாகவும், அங்கிருந்து பணி நீக்கம் செய்யப்பட்ட பிறகு, தினமும் வேலை தேடி வந்ததாகவும், வேலை கிடைக்காததால் மன உளைச்சலில் இருந்ததாகவும் கூறினார்.  பல வாரங்களாக உணவுக்காக போராடிய போது, ​​குற்றம் செய்து சிறைக்கு சென்றால் 3 நாட்கள் சாப்பாடு கிடைக்கும் என முடிவு செய்த போது இந்த சம்பவம் நடந்ததாக போலீசாரிடம் தெரிவித்தார். இச்சம்பவம் குறித்து போலீசார் விசாரணை நடத்தி வருகின்றனர்.

அக்டோபரில் பிறந்தவங்க அதிர்ஷ்டசாலிகள்... இது எல்லாமே அவங்களோட இயல்புகளா இருக்கும்!

செல்வம் நிலைத்திருக்க புரட்டாசி சனிக்கிழமை வழிபாடு, பலன்கள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

நவராத்திரி... வீட்டிற்கு வரும் சுமங்கலி பெண்களுக்கு இதை கொடுத்தால் செல்வம் சேரும்!