வெயில் காலத்தில் கரண்ட் பில் பாதியாக குறைய சூப்பரான வழிமுறைகள்!

By Jay Ganesh Apr 2, 2025, 06:06 IST

இந்த வெயில் காலங்களில் அனைத்து அறைகளிலுமே ஃபேன் ஓடிக் கொண்டே இருக்கிறது. ஆனாலும் வெப்பம் குறையவில்லை என்று பதறுபவர்கள் துவங்கி, பிரிட்ஜ்ல ஜில்லுன்னு தண்ணீர் பாட்டில்களை நிரப்பி வைத்தும், சர்பத்களிலும் ஜூஸ்களிலும் வெப்பத்தை தணித்துக் கொள்பவர்கள் வரையிலும், ஏசி இல்லாம வீட்ல இருக்கவே முடியலை என்று அங்கலாய்பவர்கள் வரையிலும் எத்தனைப் பணக்காரர்களாக இருந்தாலும் கரண்ட் பில் குறித்த ஒருவித அச்சமும் அடிமனதில் இருந்துக் கொண்டே தான் இருக்கும். இதோ மின் கட்டணத்தைக் குறைக்க சில வழிமுறைகளைப் பார்க்கலாம். கொஞ்சம் புத்திசாலித்தனமான மின் சாதனங்களைப் பயன்படுத்தினால் ஈஸியா கட்டணத்தைக் குறைக்கலாம்.

ஏசியை எப்போதும் 24 டிகிரிக்கு கீழ் வைக்காதீர்கள். வெப்பம் அதிகமாக இருக்கிறது என்று ஏசியைப் போட்டதுமே 16 அல்லது 18 டிகிரியில் வைத்து, பின் மெல்ல 24 டிகிரிக்கு கொண்டு சென்றாலும் கரண்ட் பில் எகிறி விடும்.

பீரோ ஆஃப் எனர்ஜி எஃபிஷியன்சி (BEE) படி, மனித உடலுக்கு உகந்த வெப்பநிலை 24 டிகிரி. அதனால் வெப்பநிலையை 24 ஆக வைத்திருக்க வேண்டியது முக்கியம். ஏசியில் ஒவ்வொரு டிகிரி வெப்பநிலையை அதிகரிக்கும் போதும், 6 சதவீதம் மின்சாரத்தை சேமிக்கலாம் என்கின்றனர் எலக்ட்ரீசியன்கள்.

உஷார்!!! ஏ.சி அறை இப்படி இருந்தா புற்றுநோய், இதய நோய் ஏற்படும் அபாயம்!
சம்மருக்கு முந்தைய குளிர் காலத்தில் நீங்கள் ஏசியை உபயோகிக்காமல் விட்டுவிட்டு, பிறகு சர்வீஸ் செய்யாமல் பயன்படுத்தினால், அதனாலும் மின்சார பில் எகிறும். நீண்ட நேரம் ஏசி நிறுத்தப்படுவதால், அதில் தூசி மற்றும் துகள்கள் அடைத்திருக்கும். அத்தகைய சூழ்நிலையில், குளிர்ச்சியை தர மெஷின் நிறைய வேலை செய்ய வேண்டி இருப்பதால் மறக்காமல் முழுசர்வீஸ் செய்ய வேண்டியது கட்டாயம்.

ஏசியை ஆன் செய்யும் முன் அந்த அறையின் கதவு மற்றும் ஜன்னலை மூடி விடவேண்டும். அதனால் அனல் காற்று உள்ளே வராது, குளிர் காற்று வெளியே போகாது. இல்லையெனில் உங்கள் ஏசி அதிகமாக வேலை செய்ய வேண்டியிருபப்தால் மின் கட்டணமும் அதிகமாகும்.

இப்போதெல்லாம் பெரும்பாலான ஏசிகள் ஸ்லீப் மோட் அம்சத்துடன் வருகின்றன. அவை தானாகவே வெப்பநிலை மற்றும் ஈரப்பதத்தை சரிசெய்துக் கொள்ளும். அதனால் 36 சதவீத மின்சாரத்தை சேமிக்கலாம்.

உஷார்!!! ஏ.சி அறை இப்படி இருந்தா புற்றுநோய், இதய நோய் ஏற்படும் அபாயம்!
நீங்கள் AC-யுடன் மின்விசிறியைப் பயன்படுத்தும்போது, அது அறையின் ஒவ்வொரு மூலைக்கும் AC காற்றை கொண்டுச் செல்லும். இதனால் அறை முழுவதும் குளிர்ச்சியாகவே இருக்கும். இதனுடன், ஏசியின் வெப்பநிலையைக் குறைக்க வேண்டிய தேவையும் ஏற்படாமல், மின்சாரத்தை சேமிக்கலாம். இவைகளை கடைப்பிடித்தாலே கரண்ட் பில் பாதியாக குறையும். அதே போன்று வீட்டின் அனைத்து அறைகளிலும் ஃபேன்களில் உள்ள கண்டென்ஷர்களை மாற்றுங்க. பெரும்பாலும் கண்டென்ஷர்கள் பழையதாக இருந்தால் காற்று குறைவாக வரும், மின் கட்டணமும் அதிகரிக்கும்.