மருத்துவ காப்பீடு.. ரூ.2 லட்சமாக உயர்த்தி முதல்வர் ஸ்டாலின் உத்தரவு!

யுனைடெட் இந்தியா இன்சூரன்ஸ் நிறுவனம் மூலம் முதலமைச்சரின் விரிவான மருத்துவக் காப்பீட்டுத் திட்டம் செயல்படுத்தப்பட்டு வருகிறது. இதையடுத்து மு.க. ஸ்டாலின் முதல்வராகப் பொறுப்பேற்ற பிறகு விபத்தில் சிக்குபவர்களுக்கு சிகிச்சை அளிக்கும் வகையில் இன்னுயிர் காப்போம்-நம்மை காக்கும் 48 திட்டத்தை கொண்டு வந்தார்.

இத்திட்டத்தின் மூலம் விபத்தில் சிக்குபவர்களுக்கு ஒரு லட்சம் ரூபாய் மருத்துவ காப்பீடு வழங்கப்பட்டது. இந்நிலையில், இந்தக் காப்பீட்டுத் தொகை தற்போது ரூ. 2 லட்சம் வரை உயர்த்தப்பட்டுள்ளது. இன்னுயிர் காப்போம்-நம்மை காக்கும் 48 திட்டம் டிசம்பர் 2021ல் தொடங்கப்பட்டது. தமிழகத்தில் விபத்துகள் அதிகம் நடக்கும் 500 இடங்கள் கண்டறியப்பட்டு அருகிலுள்ள மருத்துவமனைகளில் இந்தத் திட்டம் செயல்படுத்தப்பட்டது.

இத்திட்டத்தின் மூலம் தமிழகத்தை சேர்ந்தவர்கள் மட்டுமின்றி, பிற மாநிலங்கள் மற்றும் வெளிமாநிலங்களை சேர்ந்தவர்களும் பயனடைந்து வருகின்றனர். இந்நிலையில், இன்னுயிர் காக்கும் நாம் காக்கும் 48 திட்டத்தின் மூலம் வழங்கப்படும் தொகையை ரூ. 2 லட்சம் ஆக உயர்த்தி தமிழக அரசு அரசாணை வெளியிட்டுள்ளது.

விபத்துகளால் ஏற்படும் இறப்பு விகிதத்தை குறைக்கும் நோக்கத்தில் தமிழக அரசு இத்திட்டத்தை செயல்படுத்தி வருகிறது. அந்த வகையில், 2030ம் ஆண்டுக்குள், விபத்துகளால் ஏற்படும் இறப்பு விகிதத்தை, 30 சதவீதமாக குறைக்க, அரசு இலக்கு நிர்ணயித்துள்ளது.கடந்த மூன்று ஆண்டுகளில், இத்திட்டத்தின் மூலம், 3.20 லட்சம் பேர் பயனடைந்துள்ளனர். மேலும், இத்திட்டம் 248 அரசு மற்றும் 473 தனியார் மருத்துவமனைகளில் செயல்பாட்டில் உள்ளது குறிப்பிடத்தக்கது.

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மார்கழி மாத விரத முறைகள், வழிபாடு, பலன்கள்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!!