சபாஷ் வீடியோ... ஓடும் ஆட்டோவில் பாலியல் மிரட்டல்... ஓட்டுநரைத் துவைத்தெடுத்து கன்னத்தில் அறைந்த மாணவிகள்!

“இது போன்ற எண்ணங்களை எல்லாம் முளையிலேயே கிள்ளி விட வேண்டும்” என்றும், இவனுங்களை எல்லாம் நடுரோட்டுல நிற்க வெச்சு...” என்றும் விஷயம் கேள்விப்பட்டு அந்த வழியே சென்றுக் கொண்டிருந்த ஆண்களும் கூட இரண்டு அடி அடித்து விட்டு கடந்து சென்றார்கள். வந்து ரெண்டு அடி அறைஞ்சுட்டு போம்மா... வா... தைரியமா ரெண்டு போடு போடு” என்று மாணவியை உற்சாகப்படுத்தி, உன் ஆவேசத்தைத் தீர்த்துக்க... அப்போ தான் இவனுங்க திருந்துவாங்க’ என்கிற குரல்களும் வீடியோவில் ஒலிக்கிறது.

விஷயம் இது தான். ஆட்டோ ஓட்டுநர் ஒருவர் பள்ளி மாணவிகள் 2 பேரை தனது ஆட்டோவில் சவாரி ஏற்றிச் சென்றுக் கொண்டிருக்கிறார். மகாராஷ்டிர மாநிலம் நாக்பூரில், இந்த சம்பவம் நடந்துள்ளது. ஒரு கட்டத்தில் பேசிக் கொண்டிருந்த ஆட்டோ ஓட்டுநர், “ஒழுங்கா நான் சொல்றதைக் கேட்கலைன்னா கொல்கத்தாவில் பெண் பயிற்சி மருத்துவருக்கு நடந்ததைப் போல உங்களையும் செய்வோம் : என்று ஆட்டோவில் அமர்ந்திருந்த பள்ளி மாணவிகளை மிரட்டத் தொடங்கியிருக்கிறார். அந்த ஆட்டோ ரிக்‌ஷா ஓட்டுநரை இரண்டு பள்ளி மாணவிகள் சேர்ந்துக் கொண்டு சரமாரியாக தாக்கிய வீடியோ சமூக வலைத்தளங்களில் வெளியாகி வைரலாகி வருகிறது.

கடந்த ஆகஸ்ட் 9ம் தேதி கொல்கத்தா ஆர்ஜி கார் மருத்துவக் கல்லூரியில் பயிற்சி மருத்துவர் பாலியல் பலாத்காரம் செய்யப்பட்டு கொலை செய்யப்பட்ட சம்பவம் நாடு முழுவதும் பெரும் பரபரப்பை ஏற்படுத்திய நிலையில், பள்ளி மாணவிகளுக்கும், ஆட்டோ ஓட்டுநருக்கும் இடையே கடும் வாக்குவாதம் ஏற்பட்டது.

"கொல்கத்தாவில் மருத்துவ மாணவிக்கு என்ன நேர்ந்ததோ அதையே உங்களுக்கும் செய்வேன்" என்று கூறி மாணவிகளை ஆட்டோ ஓட்டுநர் திடீரென மிரட்டியதால் நிலைமை தீவிரமடைந்தது. இதைத் தொடர்ந்து, 2 மாணவிகளும் ஓட்டுநரிடம் நடுரோட்டிலேயே வாகனத்தை நிறுத்துமாறு கூச்சலிட்டுள்ளனர். விபரீதமாவதை உணர்ந்து அவர் ஆட்டோவை நிறுத்தியவுடன் அந்த மாணவிகள் அவரை வலுக்கட்டாயமாக வெளியே இழுத்துப் போட்டுத் தாக்கத் தொடங்கினர். 

பள்ளி மாணவிகள் இருவர் ஆட்டோ ஓட்டுநரைத் தாக்கியபடி வாக்குவாதத்தில் ஈடுபட்டதைக் கவனித்த அருகில் இருந்தவர்கள், ஓட்டுநரின் மிரட்டலைக் கேட்டதும், மாணவிகளுடன் சேர்ந்து அவரை சரமாரியாக தாக்கினர். இந்த சம்பவத்தின் வீடியோ சமூக வலைதளங்களில் வெளியாகி தற்போது வைரலாகி வருகிறது.  அந்த மாணவி ஆட்டோ ஓட்டுநரை அறைந்தார். இந்தச் சம்பவம் நாக்பூரில் உள்ள பார்டி காவல் நிலையம் அருகே நடந்துள்ளது. 

ஆவணி மாத சிறப்புக்கள் , வழிபாடுகள், பண்டிகைகள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா