மகிழ்ச்சி... மே 1ம் தேதி இளையராஜா நேரடி இசை கச்சேரியில் இவங்களுக்கு டிக்கெட் இலவசம்... !

 தமிழ் சினிமாவில் இசைஞானியாக கொண்டாடப்பட்டு வருபவர் இளையராஜா. இவர் 'ராஜாவின் இசை ராஜாங்கம்' நிகழ்ச்சியை மே 1ம் தேதி கரூரில் நடத்த உள்ளார். இந்த நிகழ்ச்சியில் மாற்றுத் திறனாளிகளுக்கு இலவசமாக டிக்கெட்டுகள் வழங்கப்படும் என அறிவிக்கப்பட்டுள்ளது.இதனால் இசை ரசிகர்கள் மகிழ்ச்சி அடைந்துள்ளனர். 35,000 பேர் கொண்டு ரசிக்கக்கூடிய இந்த நிகழ்ச்சிக்கான டிக்கெட்டுகள் ஆன்லைனில் விற்பனைக்கு உள்ளன.

இசைஞானி இளையராஜா கரூரில் முதல் முறையாக நேரடி இசை நிகழ்ச்சி நடத்த உள்ளார். மே 1ம் தேதி கரூர் அருகே கோடங்கிபட்டியில் "ராஜாவின் இசை ராஜாங்கம்" என்ற நிகழ்ச்சி நடத்தப்படுகிறது. இதில் மாற்றுத்திறனாளிகளுக்கு இலவச டிக்கெட் வழங்கப்படும். இளையராஜா பாடல்களை மக்களிடம் கொண்டு சேர்த்த ஓட்டுனர்களுக்கு டிக்கெட்டில் சலுகை உண்டு. சிம்பொனியை முடித்த பிறகு இளையராஜா பங்கேற்கும் முதல் நேரடி இசை நிகழ்ச்சி இதுவாகும்.

கரூர் தேசிய நெடுஞ்சாலை கோடங்கிபட்டி அருகே 25 ஏக்கரில் பிரம்மாண்டமான அரங்கம் தயாராகி வருகிறது. சுமார் 35,000 பேர் அமர்ந்து பார்க்கும் வசதி உள்ளது. இந்த இசை நிகழ்ச்சியில் பின்னணி பாடகர்கள் மனோ, ஸ்வேதா மோகன் உட்பட 10-க்கும் மேற்பட்டோர் கலந்து கொள்கின்றனர். மேலும் 100 இன்னிசை குழுவினரும் பங்கேற்க உள்ளனர். டிக்கெட் விற்பனை ஆன்லைனில் நடைபெறுகிறது. டிக்கெட் விலை 500 ரூபாய் முதல் தொடங்குகிறது. இதுவரை 8000-க்கும் அதிகமான டிக்கெட்டுகள் விற்றுள்ளன. 

பேருந்து, ஆட்டோ, கால் டாக்ஸி, லாரி ஓட்டுநர்கள் மற்றும் தூய்மை பணியாளர்கள் ஆகியோருக்கும் 250 ரூபாய்க்கு சலுகை டிக்கெட் விற்பனை செய்யப்படுகின்றன. "இளையராஜாவின் பாடல்களை பொதுமக்களிடம் அதிகம் கொண்டு சேர்க்கும் ஓட்டுனர்களுக்கு சலுகை" என அறிவிக்கப்பட்டுள்ளது. மாற்றுத்திறனாளிகளுக்கு இலவசமாக டிக்கெட் வழங்கப்படுகிறது.

நிகழ்ச்சி ஒருங்கிணைப்பாளர் அஜித் ராஜா இது குறித்து "மே 1 ம் தேதி நடக்கக்கூடிய இந்நிகழ்ச்சி மாலை 6:30 மணிக்கு 11 மணி வரை நடைபெற உள்ளது" எனக் கூறியிருந்தார். இசைஞானி இளையராஜா சிம்பொனியை முடித்துவிட்டு கரூரில் முதல் முறையாக இசை நிகழ்ச்சி நடத்துவது குறிப்பிடத்தக்கது. இந்நிகழ்ச்சி கரூர் மக்களிடையே பெரும் எதிர்பார்ப்பை ஏற்படுத்தியுள்ளது

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

 உங்க நட்சத்திரத்துக்கு லாபம் தரும் துறை எது?