நடுரோட்டில் அடித்துக் கொண்ட நபர்கள்... கூகுள் பே கோளாறு காரணமாக ரணகளமாக மாறிய குற்றாலம்!

கூகுள் பே கோளாறு காரணமாக ரோட்டோர உணவு கடையின் உரிமையாளரும், சுற்றுலா பயணியும் குற்றாலம் அருவியின் அருகே நடுரோட்டில் அடித்துக் கொண்டதால் அந்த பகுதி முழுவஹ்டும் பரபரப்பு ஏற்பட்டது. தென்காசி மாவட்டத்தில் உள்ள சுற்றுலாத் தலங்களில் குற்றாலமும் ஒன்று. இங்குள்ள நீர்வீழ்ச்சிகளுக்கு ஏராளமான சுற்றுலாப் பயணிகள் குளிக்க வருகின்றனர்.  குறிப்பாக விடுமுறை நாட்களில் கூட்டம் அதிகமாக இருக்கும். குறிப்பாக சங்கரன்கோவில் சங்கரநாராயண சுவாமி கோவில் கும்பாபிஷேகத்தை முன்னிட்டு தென்காசி மாவட்டத்திற்கு உள்ளூர் விடுமுறை அறிவிக்கப்பட்டிருந்தது.

இந்நிலையில் குற்றாலம் அருவிகளில் குளிக்க சுற்றுலா பயணிகளின் கூட்டம் அதிகரித்து காணப்பட்டது. மேலும் குற்றாலம் செல்லும் சாலைகளில் உள்ள கடைகளிலும் கூட்டம் அலைமோதியது. இந்நிலையில், நெல்லை மேலப்பாளையம் பகுதியை சேர்ந்த சுற்றுலா பயணிகள் குற்றாலம் அருவி நுழைவு வாயில் அருகே உள்ள கடையில் உணவு சாப்பிட்டு விட்டு, அதற்கான தொகையை ஆன்லைன் ஜி பே மூலம் அனுப்பியதாக தெரிகிறது.

கூகுள் பே மூலம் பணம் அனுப்பும் போது கடை உரிமையாளருக்கு பணம் மற்றும் ஒலிபெருக்கி குறித்து எந்த செய்தியும் வரவில்லை என தெரிகிறது. ஆனால் பணம் அனுப்பியதாக உணவு சாப்பிட்டவர்கள் கூறியும் அதை ஏற்க மறுத்த உரிமையாளர்  எனக்கு பணம் வரவில்லை, நீங்கள் பொய் சொல்கிறீர்கள் என்று கூறியுள்ளார்.

இதனால் ஆத்திரமடைந்த சுற்றுலா பயணிகளுக்கும் கடை உரிமையாளருக்கும் இடையே கடும் வாக்குவாதம் ஏற்பட்டது. இரு தரப்பினருக்கும் இடையே வாக்குவாதம் கைகலப்பாக மாறியதால், சுற்றுலா பயணிகள் கடையில் இருந்த பொருட்களை சேதப்படுத்தியதாக தெரிகிறது. ஆட்டோ ஓட்டுனர்களும், பொதுமக்களும் இரு தரப்பினரையும் சமாதானப்படுத்த முயன்ற போதும், ​​இரு தரப்பினரும் சாலையில் ஒருவரையொருவர் தாக்கிக் கொண்டு மோதலில் ஈடுபட்டனர். தகவல் அறிந்த குற்றாலம் போலீசார் சம்பவ இடத்துக்கு விரைந்து வந்து மோதலை தடுக்க முயன்றனர்.

பின்னர் இரு தரப்பினரிடமும் விசாரணை நடத்தினார். ஆன்லைனில் பணம் அனுப்புவதில் ஏற்பட்டுள்ள நெட்ஒர்க் பிரச்னையால், பணம் தாமதமாக வந்ததாக சில சமயங்களில் மெசேஜ் வருவதும், சிறு பிரச்னைக்காக இரு தரப்பினரும் சாலையில் சண்டையிட்டுக் கொள்ளும் சம்பவம் அங்கு பெரும் பரபரப்பை ஏற்படுத்தியது.

மேலும் இது தொடர்பான வீடியோ தற்போது சமூக வலைதளங்களில் வைரலாகி வருகிறது. மேலும் குற்றாலம் பகுதிகளில் இதுபோன்ற சம்பவங்கள் தொடர் கதையாகி வருவதால், உரிய நடவடிக்கை எடுத்து கூடுதல் போலீசாரை நியமிக்க சுற்றுலா பயணிகள், வியாபாரிகள் உள்ளிட்ட அனைத்து தரப்பினரும் கோரிக்கை விடுக்கின்றனர்.

ஆவணி மாத சிறப்புக்கள் , வழிபாடுகள், பண்டிகைகள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா