அதிர்ச்சி வீடியோ... பள்ளியில் பாத்திரம் கழுவும் மாணவிகள்!

தமிழகத்தில் கள்ளக்குறிச்சி மாவட்டம் கல்வராயன்மலை வெள்ளிமலை   இன்னாடு கிராமத்தில் அரசு மலைவாழ் உண்டு உறைவிட தொடக்கப்பள்ளி செயல்பட்டு வருகிறது. இந்தப்பள்ளியில் 100க்கும் மேற்பட்ட மாணவ-மாணவிகள் அங்கேயே தங்கி படித்து வருகின்றனர். இதற்காக மாணவர்களுக்கு அருகில் உள்ள சமையல் அறையில் உணவு சமைக்கப்பட்டு வழங்கப்படுவது வழக்கமாக இருந்து வருகிறது.  

அவ்வாறு சமையல் செய்யும் பாத்திரங்களை அங்குள்ள சமையலறோ அல்லது உதவியாளரோ கழுவுவது இல்லை.  பள்ளியில் தங்கி படிக்கும் மாணவிகளே சமையல் பாத்திரங்களை கழுவி வந்துள்ளதாகத் தெரிகிறது. இந்நிலையில் சமையல் அறை பாத்திரங்களை பள்ளியில் படிக்கும் மாணவிகளே கழுவியதை ஒருவர், தனது மொபைல் போனில்  வீடியோவாக எடுத்து, அதனை சமூக வலைத்தளங்களில் பதிவேற்றம் செய்தார். இந்த வீடியோ தற்போது வைரலாகி வருகிறது.

இதனை கண்ட சமூக ஆர்வலர்கள், கல்வி அலுவலர்கள்  மாணவிகளை பள்ளி வேலைக்கு ஈடுபடுத்துபவர்கள் மீது உரிய நடவடிக்கை எடுக்க வேண்டும் என கோரிக்கை விடுத்துள்ளனர்.  இதையடுத்து மாணவிகளை பாத்திரங்கள் கழுவவிடும் பணியில் ஈடுபட வைத்த அப்பள்ளியின் தலைமை ஆசிரியர் ஜெபஸ்டின், பள்ளி சமையலர் ராதிகா ஆகியோர்  பணியிடை நீக்கம் செய்யப்பட்டுள்ளனர்.  

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!