கொண்டாடித் தீர்க்கும் ரசிகர்கள்... 100 கோடி வரலாறு படைத்த 'L2: எம்புரான்!
எம்புரான் திரைப்படம் உலகம் முழுவதும் மார்ச் 28ம் தேதி நேற்று வெள்ளிக்கிழமை ரிலீஸ் ஆனது. இந்த திரைப்படம், ரிலீஸ் ஆன இரண்டே நாட்களில் 100 கோடி வசூல் சாதனை படைத்துள்ளது.
மலையாள சினிமா வரலாற்றில் அதிக பொருட்செலவில் உருவான படம் எம்புரான். பிருத்விராஜின் இயக்கத்தில் வெளியான லூசிஃபரின் 2ம் பாகமாக வெளியான இந்த படம், மலையாள சினிமாவில் அதிக எதிர்பார்ப்பை ஏற்படுத்தியுள்ளது. வெளிநாடுகளில் முன்பதிவு தொடங்கியபோதே இந்த படத்தின் மீது ரசிகர்களுக்கு இருந்த எதிர்பார்ப்பு தெரிந்தது.
'எம்புரான்' வெளியான முதல் நாளே, ரூ.50 கோடிக்கும் மேல் வசூல் செய்தது. தொடர்ந்து 'எம்புரான்' திரைப்படம் பாக்ஸ் ஆபிஸில் உலக அளவில், 2 நாள் முடிவில் ரூ.100 கோடி கிளப்பில் இணைத்துள்ளது. இது குறித்த அதிகாரப்பூர்வ அறிவிப்பை படக்குழு வெளியிட்டுள்ளது. மோகன்லால், மஞ்சு வாரியர், பிருத்விராஜ் ஆகியோர் நடித்துள்ளனர். இந்த மாபெரும் வசூல் வேட்டைக்கு, மோகன்லால் தன்னுடைய ரசிகர்களுக்கு நன்றி தெரிவித்து பதிவு ஒன்றை வெளியிட்டுள்ளார்.
வெளியான முதல் நாளிலேயே ஒரு மலையாள படம் இதுவரை கனவில் கூட காண முடியாத சாதனையை படைத்துள்ளது. வெளிநாட்டில் மட்டும் முதல் நாளில் 5 மில்லியன் டாலர்களை கடந்த இத்திரைப்படம், இந்தியாவிலிருந்து 25 கோடியை வசூலித்தது. 2வது நாளில் இந்தியாவில் மட்டுமே ஏம்புரான் 50 கோடி வசூலை எட்டி உள்ளது .இந்நிலையில், உலகம் முழுவதும் 100 கோடி வசூலை செய்திருப்பது குறிப்பிடத்தக்கது.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
