அதிர்ச்சி! பிரபல நடிகர் சத்யஜித் உயிரிழப்பு!

கன்னடத்தில் சினிமா உலகில் தனக்கென தனி முத்திரை பதித்த குணசித்திர நடிகர் சத்யஜித் .இவர் இன்று பெங்களூருவில் உள்ள பௌரிங் அண்ட் லேடி கர்சண் அரசு மருத்துவமனையில் உடல் நலக்குறைபாட்டால் உயிரிழந்தார். 2016 முதல் அவர் நீரிழிவு நோயால் கடுமையாக பாதிக்கப்பட்டிருந்தார். கடந்த சில மாதங்களாகவே உடல்நலக் குறைவால் அவதிப்பட்டு வந்த நிலையில் இன்று சிகிச்சை பலனின்றி மருத்துவமனையிலேயே உயிரிழந்தார்.

அவர் இதுவரை 650க்கும் மேற்பட்ட திரைப்படங்களில் அவர் நடித்துள்ளார்.
சத்யஜித்தின் இயற்பெய சையத் நிசாமுதின் . அவருக்கு வயது 72. 1983ல் கன்னடத்தில் வெளியான ‘அல்லா நீனே ஈஷ்வரா நீனே’ என்னும் திரைப்படம் மூலம் அறிமுகமானார்.அவருடைய மகள் ஒரு விமானி.மூத்த மகன் ஆகாஷ் ஜித் கன்னட சினிமாவில் நடிகராக உள்ளார்.

ஆப்தமித்ரா, சிவா மெச்சிடா கண்ணப்பா, புத்நஞ்சா, சைத்ரதா பிரேமாஞ்சலி என அவரது நடிப்பை பேசும் படங்கள் ஏராளம். வில்லன் கதாபாத்திரங்களின் மூலம் ரசிகர்களின் இதயம் கவர்ந்தவர். அவருடைய மறைவிற்கு பிரபலங்களும், நண்பர்களும் இரங்கல் தெரிவித்து வருகின்றனர். பிரபல நடிகையான சுமலதா அம்பரீஷ் ‘மூத்த நடிகர் சத்யஜித் மறைவு மிகுந்த வலியை தருகிறது. அவர் இழப்பை தாங்கிக் கொள்ளும் சக்தியை இறைவன் அவருடைய குடும்பத்துக்கு கொடுக்கவேண்டும் எனத் தெரிவித்துள்ளார்.