குடிபோதையில் அரசு ஊழியர்கள் ... பெண் ஊழியர்களும் சோதனையில் சிக்கிய அதிர்ச்சி!

கேரள மாநிலத்தில், பணி நேரத்தில் அரசு ஊழியர்கள் குடிபோதையில் இருந்தது கண்டுபிடிக்கப்பட்டுள்ளது. குடிபோதைக்கான ப்ரீத் அனலைசர் சோதனையில் பெண் ஊழியர்களும் சிக்கியது அம்மாநிலத்தில் பெரும் அதிர்ச்சியை ஏற்படுத்தியுள்ளது.கேரள போக்குவரத்து கழகம் KSRTC, பணி நேரத்தில் பேருந்துகளை இயக்கி வரும் ஊழியர்களிடையே ப்ரீத் அனலைசர் சோதனை மேற்கொண்ட போது இந்த தகவல் வெளியாகி அதிகாரிகளை அதிர்ச்சியடைய செய்துள்ளது. இந்த சோதனையில் பெண்கள் கூட பணி நேரத்தில்' குடித்து விட்டு' வந்திருந்தது தெரிய வந்துள்ளது. 

கேரள மாநிலம் கொச்சியில், கொத்தமங்கலம் கே.எஸ்.ஆர்.டி.சி., டிப்போவில், மது அருந்தி விட்டு பணிக்கு வருபவர்களை கண்டறிய, 'ப்ரீத் அனலைசர்' பரிசோதனை செய்ததில், ஊழியர்கள் அனைவரும், குடிபோதையில் இருப்பது தெரிய வந்தது. சோதனையின் படி, குடிபோதையில் பணியாற்றும் ஊழியர்களில் பெண்களும் பெருமளவில் இருந்தனர். 

தொடர்ந்து ஆய்வு செய்ததில், இயந்திரம் பழுதானது தெரிய வந்தது. இதையடுத்து ஆய்வுக் குழுவினர் சோதனையை நிறுத்தி விட்டு திரும்பிச் சென்றனர். டிப்போவில் பணியில் இருந்த யாரும் இன்று குடித்து விட்டு வேலைக்கு வரவில்லை.குடிபோதையில் பணிபுரியும் பணியாளர்கள் குறித்த புகார்கள் அதிகரித்துள்ளதையடுத்து, ப்ரீத் அனலைசர் சோதனை நடத்த KSRTC முடிவு செய்துள்ளது. நடத்துனர்கள் மற்றும் ஓட்டுநர்கள் முக்கியமாக சோதனை செய்யப்பட்டனர். பெண்களைத் தவிர அனைத்து ஊழியர்களும் மதுபோதையில் இல்லை என்பதைச் சரிபார்த்து உறுதி செய்த பின்னரே பணியில் சேர அனுமதிக்க வேண்டும் என்றும் போக்குவரத்துத் துறை அமைச்சர் கே.பி.கணேஷ் குமார் உத்தரவு பிறப்பித்துள்ளார். 
இந்த சோதனையில் தோல்வியடைந்த பலர் மீது ஏற்கனவே ஒழுங்கு நடவடிக்கை எடுக்கப்பட்டுள்ளது. காலையில் பணி நிமித்தமாக டிப்போவுக்கு வந்ததும் தான் பணியாளர்களுக்கு அன்று ஆய்வு செய்யப்பட உள்ளது குறித்து தெரியும். இந்த சோதனையை மேற்கொள்பவர்கள் ஒரு நாள் முன்பு மது அருந்தினாலும், அவர் சோதனையில் தோல்வியடைவார் என்பது குறிப்பிடத்தக்கது. திருவனந்தபுரத்தில் இதுபோன்ற பல சம்பவங்கள் பதிவாகியுள்ளன. ஆய்வுக்கு பயந்து ஊழியர்கள் பணிக்கு வராததால் கேஎஸ்ஆர்டிசிக்கு கடும் நிதி இழப்பு ஏற்பட்டது. கடுமையான ஆய்வுகளால், விபத்துகளுடன் சேர்ந்து ஊழியர்களிடையே குடிப்பழக்கமும் குறைந்து வருவதாக போக்குவரத்து அமைச்சர் கருத்து தெரிவித்திருந்தார்.