50க்கும் மேற்பட்ட மாணவிகளிடம் அத்துமீறிய டாக்டர்... தாயாரும் உடந்தை... 1098க்கு பறந்த புகார்கள்!

தனது தாயார் பள்ளியின் தலைமையாசிரியை என்பதால், சாம்சன் டேனியல் அவ்வப்போது பள்ளி விடுதிக்கு சென்று வருவதை யாரும் தவறாக எடுத்துக் கொண்டு கண்டுகொள்வதில்லை. இதை தனக்கு சாதகமாக பயன்படுத்திக் கொண்டு மாணவிகள் சிலருக்கு பாலியல் தொல்லை கொடுத்ததாக கூறப்படுகிறது. இதையடுத்து, குழந்தைகள் உதவி மையத்துக்கு 1098ல் வந்த புகாரின் பேரில், திருச்சி மாவட்ட சமூக நல அலுவலர் விஜயலட்சுமி, திருச்சி சத்திரம் பேருந்து நிலையம் அருகே உள்ள ஒருங்கிணைந்த கோட்டை காவல் நிலைய அனைத்து மகளிர் காவல் நிலையத்தில் இது குறித்து புகார் அளித்தார். பள்ளியில் படிக்கும் 50க்கும் மேற்பட்ட மாணவிகளிடம் சாம்சன் பாலியல் சில்மிஷத்தில் ஈடுபட்டுள்ளது தெரிய வந்து போலீசார் அதிர்ந்துள்ளனர்.

இது குறித்த புகாரின் பேரில் சாம்சன் மீது போக்சோ சட்டத்தின் கீழ் வழக்குப்பதிவு செய்து கைது செய்து விசாரணை நடத்தினர். இதைத் தொடர்ந்து, சம்பவம் நடந்த பள்ளியில் உள்ள சக பள்ளி மாணவிகளிடம் கோட்டை அனைத்து பெண் காவலர்கள் தனித்தனியாக விசாரணை நடத்தினர். விசாரணையில் தலைமை ஆசிரியையின் மகன் என்பதால் பாதிக்கப்பட்ட மாணவிகள் வெளியில் சொல்ல தயங்குவது தெரிய வந்தது. 

அவரது அத்துமீறல் அதிகரித்ததால், பாதிக்கப்பட்ட மாணவிகள் தங்கள் பெற்றோர் மற்றும் வார்டனிடம் தெரிவித்தனர். விசாரணையில் மாணவிகளுக்கு சாம்சன் டேனியல் தொடர்ந்து பாலியல் தொல்லை கொடுத்து வந்தது உறுதியானது. குற்றத்தை மறைத்ததாக கூறி பள்ளி தலைமை ஆசிரியை கிரேஸ் சகாய ராணியையும் போலீசார் கைது செய்தனர். டேனியலிடம் சிகிச்சைக்கு வந்த பெண்களிடம் சாம்சன் பாலியல் தொல்லை கொடுத்தாரா என விசாரணை நடத்தி வருகிறார்.

ஆவணி மாத சிறப்புக்கள் , வழிபாடுகள், பண்டிகைகள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா