ஹேமந்த்சோரன் பதவியேற்பு விழாவில் துணைமுதல்வர் உதயநிதி ஸ்டாலின் பங்கேற்பு!

 
ஜார்க்கண்ட் மாநிலத்தில் சமீபத்தில் நடைபெற்ற மக்களவை தேர்தலில் காங்கிரஸ் கூட்டணியில் அமைந்த  முக்தி மோர்ச்சா கட்சி அமோக வெற்றி பெற்று அக்கட்சியின் தலைவர் ஹேமந்த் சோரன், இன்று 3வது முறையாக ஜார்க்கண்ட் மாநிலத்தின் முதல்வராக பதவியேற்க உள்ளார்.  ஜார்க்கண்ட் மாநிலத்தில்  மொத்தமுள்ள 81 சட்டசபை தொகுதிகளுக்கு இரண்டு கட்டங்களாக  சட்டமன்ற தேர்தல் நடைபெற்ற நிலையில்  அவரது கட்சி, 34 இடங்களில் வெற்றி பெற்று தனிப்பெரும் கட்சியாக ஜார்க்கண்ட் முக்தி மோர்ச்சா உருவெடுத்துள்ளது.

மேலும், கூட்டணியில் இருந்த காங்கிரஸ் 16 இடங்களில் வெற்றி பெற்றுள்ளது.  21 இடங்களை வென்று பாஜக எதிர்க்கட்சி அந்தஸ்தை பெற்றுள்ளது. இந்நிலையில், ஜார்க்கண்ட் மாநிலம் ராஞ்சியில் நடைபெறும் நிகழ்ச்சியில்,ஹேமந்த் சோரன் ஜார்க்கண்ட்டின் முதலமைச்சராக 3வது முறையாக இன்று நவம்பர் 28ம் தேதி மாலை  3.30 மணிக்கு பதவியேற்க உள்ளார். ஹேமந்த் சோரன் 2019 டிசம்பர் 29 ம் தேதி  இதே மைதானத்தில் முதல்வராக பதவியேற்றது குறிப்பிடத்தக்கது.

இதனிடையே, அமைச்சரவை தொடர்பாக காங்கிரசுடன தொடர் இழுபறி நீடித்து வருவதால், ஹேமந்த் சோரன் இன்று மாலை தனியாக பதவியேற்பார் எனவும்,  அமைச்சரவை குறித்து பின்னர் முடிவு செய்யப்படும் எனவும் தகவல்கள் வெளியாகியுள்ளன.  
அதன்படி, இன்று நடைபெறும் ஹேமந்த் சோரன் பதவியேற்பு விழாவில், ராகுல் காந்தி, அகிலேஷ் யாதவ், மம்தா பானர்ஜி உட்பட  இந்தியா கூட்டணிக் கட்சித் தலைவர்களும், தமிழ்நாட்டு சார்பில் துணை முதல்வர்  உதயநிதி ஸ்டாலின் பங்கேற்க உள்ளார் என்பது குறிப்பிடத்தக்கது.

கார்த்திகை ஸ்பெஷல்... சங்காபிஷேகம் விரதமுறை, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!