சீனாவை கடுப்பேற்றிய எலான் மஸ்க்! ஐ.நா.விடம் புகார்!

சீனா தனக்கென தனியாக விண்வெளி மையத்தை அமைத்து வருகிறது. இதற்காக சீன வீரர்கள் பலரும் விண்வெளியில் தங்கி பணிகளை செய்து வருகின்றனர்.

இந்நிலையில் கடந்த ஜூலை மாதம் 1 ஆம் தேதியும், அக்டோபர் மாதம் 21 ஆம் தேதியும் சீனாவின் விண்வெளி நிலையத்தின் அருகே எலான் மஸ்கின் செயற்கை கோள் மோதுவது போல வந்ததாக சீனா குற்றஞ்சாட்டியுள்ளது.

இது தொடர்பில் சீனா அரசு, ஐ.நா. சபையில் புகார் அளித்து, அமெரிக்க நிறுவனமான ஸ்பேஸ் எக்ஸ் நிறுவனத்தின் மீது நடவடிக்கை எடுக்க வேண்டும் என தெரிவித்துள்ளது.

அமெரிக்க தொழிலதிபரான எலான் மஸ்க் தனது ஸ்பேஸ் எக்ஸ் மூலம் ஏராளமான செயற்கை கோள்கலை விண்ணில் செலுத்தி உள்ளார்.

இணையதள சேவை உள்ளிட்ட பல்வேறு சேவைகளுக்காக அவை புவி வட்டப் பாதையில் சுற்றி வருகின்றன.