திருச்சியில் பரபரப்பு... பிரபல தனியார் பள்ளிக்கு வெடிகுண்டு மிரட்டல்!

தமிழகத்தில்  திருச்சி - திண்டுக்கல் சாலையில் உள்ள பிரபல தனியார் பள்ளியான இந்தியன் பப்ளிக் ஸ்கூல்  பள்ளிக்கு வெடிகுண்டு மிரட்டல் விடுக்கப்பட்டிருந்ததால் அந்த பகுதி முழுவதுமே பரபரப்பு ஏற்பட்டது.இந்தியன் பப்ளிக் ஸ்கூலில் சுமார் 1200க்கும் மேற்பட்ட மாணவ - மாணவியர் பயின்று வரும் நிலையில், இன்று காலை வழக்கம் போல் மாணவர்கள் பள்ளிக்கு வந்துக் கொண்டிருந்தனர். இந்நிலையில், பள்ளியில் வெடிகுண்டு வைக்கப்பட்டிருப்பதாக பள்ளி தாளாளரின் மின்னஞ்சலுக்கு மிரட்டல் வந்தது பரபரப்பை ஏற்படுத்தியது. 

உடனடியாக இது குறித்து அவர் திருச்சி ராம்ஜி நகர் காவல் நிலையத்திற்கு தகவல் கொடுத்தார். இதையடுத்து பள்ளிக்கு விரைந்து சென்ற போலீசார், வெடிகுண்டு மிரட்டல் குறித்து விசாரணை நடத்தினர். வெடிகுண்டு நிபுணர்கள் உடனடியாக வரவழைக்கப்பட்டு பள்ளி முழுவதும் சோதனை செய்து வருகின்றனர்.

முன்னெச்சரிக்கை நடவடிக்கையாக பள்ளிக்கு இன்று விடுமுறை அறிவிக்கப்பட்டு, மாணவர்கள் அனைவரும் பள்ளியில் இருந்து பாதுகாப்பாக வெளியேற்றப்பட்டு வீட்டிற்கு அனுப்பி வைக்கப்பட்டனர். மின்னஞ்சல் யார் அனுப்பியது என்பது குறித்து போலீசார் தீவிர விசாரணை மேற்கொண்டு வருகின்றனர். பிரபல பள்ளிக்கு வெடிகுண்டு மிரட்டல் விடுக்கப்பட்டுள்ள சம்பவம் பெற்றோர்களிடையேயும் அந்த பகுதி மக்களிடையேயும் திடீரென பரபரப்பை ஏற்படுத்தியது.

இதையும் பிடிச்சிருந்தா படிச்சு பாருங்க

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பகீர்! கல்லூரி மாணவியைக் கடத்தி பாலியல் வன்கொடுமை!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!

வீடியோ! குளிக்கச் சென்றவரை உயிரோடு முழுங்கிய முதலை