உஷார்... இன்று (நவம்பர் 1) முதல் இவற்றில் எல்லாம் மாற்றம் வருகிறது!
![நவம்பர்](https://www.dinamaalai.com/static/c1e/client/93068/uploaded/dbd3cf7cc79d78de15e5e147c58afc72.jpg)
புது மாதத்தை வரவேற்கிறோம். அடுத்த மாதத்துடன் இந்த வருடத்தின் காலண்டர் தாள்கள் தீர்ந்து போகின்றன. அதற்குள் ஒரு வருஷம் ஓடிடுச்சா என்று நீங்க கேட்கறது புரிகிறது. இன்று நவம்பர் 1ம் தேதி முதல் நிறைய விஷயங்களில் மாற்றங்கள் வருகிறது. என்னென்ன மாற்றங்கள் என தெரிந்து கொள்ளுங்க. சில விலையுயர்ந்திருக்கின்றன. சிம்பிளா சொல்லணும்னா மாற்றங்கள் எல்லாமே பணம், காசு, துட்டு அடிப்படையாக கொண்டவை. இந்த நவம்பரில் தீபாவளி வருகிறது. ஒரு பக்கம் தீபாவளி போனஸ் என்று மனம் கொண்டாட்டத்தில் இருந்தாலும், ஏற்கெனவே விண்ணை முட்டி நிற்கிற விலைவாசியை நினைத்தால் கலவரமடைகிறது மனது. இந்நிலையில், மீண்டும் இவற்றின் விலைகளில் எல்லாம் மாற்றங்கள் ஏற்படுமா என்று அதிர்ச்சியோடு பொதுமக்கள் நவம்பரை வரவேற்கிறார்கள். தீபாவளிக்கு சொந்த ஊருக்கு போக திட்டமிட்டிருப்பவர்கள் இப்போதே ரயிலில் டிக்கெட் போட்டுடுங்க. பேருந்து கட்டணங்கள் ஏகத்துக்கும் உயர்ந்திருக்கிறது.
ஒவ்வொரு மாதத்தின் முதல் நாளிலும் வழக்கமாக சமையல் எரிவாயு விலை, வங்கிகளின் வட்டி விகிதம் உள்ளிட்டவைகளில் மாற்றங்கள் ஏற்படும். நடுத்தர மக்கள், வங்கி இ.எம்.ஐ. குறித்த கவலைகளில் இருக்கிறார்கள். அந்த வகையில் இன்று முதல் ஏற்படப்போகும் மாற்றங்கள் குறித்து விரிவாக பார்க்கலாம்.
15 நாட்கள் வங்கிகள் மூடல்
நவம்பர் மாதம் அதிக நாட்கள் விடுமுறை வருவதால், பல்வேறு மாநிலங்களில் சனி, ஞாயிறு உட்பட 15 நாட்களுக்கு வங்கிகள் மூடப்பட்டிருக்கும். எனவே வங்கி தொடர்பான முக்கியமான வேலைகளை பட்டியலிட்டு திட்டமிட்டுக் கொள்வது நல்லது.
சமையல் சிலிண்டர் விலை
சிலிண்டர் விலையை ஒவ்வொரு மாதமும் முதல் தேதியில் அரசு எண்ணெய் நிறுவனங்கள் தீர்மானிக்கின்றன. அந்த வகையில் இன்று விலை மாற்றி அமைக்கப்படும் என்று எதிர்பார்க்கப்படுகிறது. ஐந்து மாநிலத் தேர்தல் வருவதால் சிலிண்டர் விலை குறைய வாய்ப்பு இருப்பதாக கூறப்படுகிறது.
எலக்ட்ரானிக் பொருட்கள் இறக்குமதிக்கு விலக்கு
லேப்டாப்கள், பெர்சனல் கம்ப்யூட்டர்கள் மற்றும் இதர எலக்ட்ரானிக் பொருட்களை இறக்குமதி செய்ய மத்திய அரசு விலக்கு அளித்துள்ளது. நவம்பரில் இது தொடர்பாக என்ன மாற்றங்கள் ஏற்படும் என்பது குறித்து அரசு இதுவரை எந்த முடிவும் எடுக்கவில்லை.
மும்பை பங்குச் சந்தையின் முக்கிய அறிவிப்பு
மும்பை பங்குச் சந்தை கடந்த 20-ம் தேதி ஒரு பெரிய அறிவிப்பை வெளியிட்டது. இது ஈக்விட்டி டெரிவேடிவ் பிரிவில் அதன் பரிவர்த்தனை கட்டணத்தை அதிகரிக்கப் போகிறது என்று தெரிவிக்கிறது. இந்த கட்டணங்கள் இது சில்லறை முதலீட்டாளர்களை அதிகம் பாதிக்கும்.
இன்று முதல் மேற்கொள்ளப்படும் இத்தகைய மாற்றங்களால் பொதுமக்கள் பாதிக்கப்படுவார்கள் என்று பொருளாதார வல்லுநர்கள் தெரிவித்துள்ளனர்.
ஐப்பசி மாத புனித நீராடலின் மகத்துவம்.. மிஸ் பண்ணீடாதீங்க!!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
கிடுகிடுவென உடல் எடை குறைய தினம் இந்த பழம் சாப்பிட்டு பாருங்க...!!
ஐஸ்வர்யங்களை அள்ளித் தரும் ஐப்பசி மாத பண்டிகைகள், சிறப்புக்கள்!!