ஐப்பசி பெளர்ணமி.. அன்னாபிஷேகம்... தஞ்சையிலும், திருவண்ணாமலையிலும் லட்சக்கணக்கில் குவியும் பக்தர்கள்!
இன்று நவம்பர் 15ம் தேதி மாலை ஐப்பசி மாத பெளர்ணமி தினத்தை முன்னிட்டு தஞ்சையில் அன்னாபிஷேகத்தைக் காண பக்தர்கள் குவிந்துள்ளனர். அதே போன்று நேற்று மாலை திருவண்ணாமலையில் அருணாசலேஸ்வரருக்கு அன்னாபிஷேகம் நடைபெற்ற நிலையில், அன்னாபிஷேகத்தைப் பார்த்து முடித்து விட்டு இன்று அதிகாலை 3 மணியளவில் பெளர்ணமி துவங்கியதால் திருவண்ணாமலையிலும் பக்தர்கள் லட்சக்கணக்கில் குவிந்து வருகின்றனர்.
வருடத்தின் ஒவ்வொரு மாத பௌர்ணமி தினத்திற்கும் ஒவ்வொரு சிறப்பு உண்டு. எப்படி சித்திரை மாத பெளர்ணமியை சித்ரா பெளர்ணமி என்கிறோமோ அப்படி ஒவ்வொரு பெளர்ணமி தினத்தையும் கொண்டாடுகிறோம். எல்லா பௌர்ணமி நாட்களிலுமே சிவாலயங்களில் சிறப்பு பூஜைகளும் அபிஷேகங்களும் நடைபெறும். அதனால் தான் பெளர்ணமியன்று சதுரகிரி, திருவண்ணாமலை என்று கிரிவலம் வருகிறோம். ஆனால் பாகுபாடில்லாமல் ஐப்பசி மாதத்தில் வருகின்ற பௌர்ணமி தினத்தில் தமிழகத்தில் அனைத்து சிவாலயங்களிலுமே அன்னாபிஷேகம் நடைபெறும். ஐந்து வகையான உணவுகள், 16 வகையான பழங்கள், காய்கறிகள் என அன்னாபிஷேகம் சிவாலயங்களில் அமர்க்களப்படும். அபிஷேக பிரியரான சிவன் மனங்குளிர அன்னாபிஷேகம் விமரிசையாக செய்யப்படும்.
ஐப்பசி மாதத்தின் கடைசி நாளான இன்று நவம்பர் 15ம் தேதி வெள்ளிக்கிழமையன்று பெளர்ணமி வருகின்றது. இன்றைய தினம் அதிகாலை 3 மணிக்கு பெளர்ணமி துவங்குகியது. இது போன்ற ஒரு ஐப்பசி மாத பெளர்ணமி தினத்தில் தான் சாபம் பெற்ற சந்திரனுக்கு சிவபெருமான் சாப நிவர்த்தி அளித்தார். ஒவ்வொரு மாதமும் வருகின்ற பௌர்ணமி, ஒரு குறிப்பிட்ட நட்சத்திரத்திற்கு உரியது. அந்த வகையில் ஐப்பசி மாதம் வரும் பௌர்ணமி அஸ்வினி நட்சத்திரத்தில் பெரும்பாலும் வரும் என்பதாலும், அஸ்வினி நட்சத்திரம் அன்னதானத்திற்கு உரிய சிறப்பான நட்சத்திரம் என்பதாலும் ஒரு சில கோவில்களில் அஸ்வினி நட்சத்திரம் வருகிறது என்பதால் இன்று அன்னாபிஷேகம் செய்யப்படுகிறது.
பொதுவாக பௌர்ணமி திதியில் தான் அன்னாபிஷேகம் நடைபெறும் என்பதால் பௌர்ணமி திதியை பின்பற்றும் ஆலயங்களில் இன்று நவம்பர் 15ம் தேதியன்று நாள் முழுவதும் இருக்கும் பௌர்ணமி திதியில் அன்னாபிஷேகம் செய்யப்படுகிறது.
ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை
ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க
இந்த 8 நட்சத்திரக்காரர்களுக்கு அதிர்ஷ்ட மழை... வாய்ப்பை பயன்படுத்திக்கோங்க!