திருச்சியில் மாஸ் காட்டிய எடப்பாடி... சென்னை கிளம்பினார்!
திருச்சியில் மிக பிரம்மாண்டமாக கூட்டத்தை கூட்டி, தேர்தல் பரப்புரையை துவங்கி மாஸ் காட்டியிருக்கிறார் எடப்பாடி. அதிமுகவின் முதல் பரப்புரை கூட்டம் என்பதால், வண்ணாங்கோயில் பகுதியில் மிக பிரம்மாண்டமான மேடை அமைக்கப்பட்டிருந்த நிலையில், பல்லாயிரக்கணக்கானோர் திரண்டனர்.
பரப்புரை கூட்டத்தில் பங்கேற்பதற்காக இன்று மதியம், 1.30 மணியளவில் சேலத்தில் இருந்து காரில் புறப்பட்ட எடப்பாடியார், மதியம், 3.30 மணியளவில் திருச்சியை வந்தடைந்தார். திருச்சியில் உள்ள தனியார் ஓட்டலில் கட்சி நிர்வாகிகளை சந்தித்து ஆலோசனை நடத்திய பின்னர், மாலை, 4.40 மணியளவில் வண்ணாங்கோயில் பரப்புரை கூட்ட திடலுக்கு வருகை தந்தார். திருச்சியில் கூட்டத்தில் பங்கேற்று விட்டு, இன்றிரவு, 8 மணிக்கு விமானத்தில் சென்னை புறப்பட்டு சென்றார் எடப்பாடி.
திருச்சியில் நடைபெறும் பிரம்மாண்ட பரப்புரை பொதுக்கூட்டத்தில், தமிழகம் மற்றும் புதுச்சேரியில் போட்டியிடும் அதிமுக மற்றும் அதன் கூட்டணி கட்சிகளை சேர்ந்த, 40 வேட்பாளர்களையும் ஒரே மேடையில் அறிமுகப்படுத்தி, அவர்களுக்கு எடப்பாடி பழனிசாமி ஆதரவு திரட்டுகிறார்.
இந்த மேடையில், தேமுதிக பொதுச் செயலாளர் பிரேமலதா, எஸ்டிபிஐ கட்சி தலைவர் நெல்லை முபாரக், புதிய தமிழகம் கட்சித் தலைவர் டாக்டர் கிருஷ்ணசாமி உள்ளிட்ட தோழமைக் கட்சித் தலைவர்கள் பங்கேற்கின்றனர். இந்நிலையில் அதிமுக வேட்பாளர்கள் நாளை வேட்புமனுவினை தாக்கல் செய்கிறார்கள்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
பங்குனி உத்திரத்தின் மகத்துவம் தெரிஞ்சுக்கோங்க..!