தேர்வர்களே குறிச்சிக்கோங்க... அடுத்த மாதம்  டிஎன்பிஎஸ்சி குரூப் 4 முடிவுகள் வெளியீடு... !

 தமிழகத்தில் அரசுப் பணியிடங்களை நிரப்புவதற்காக தமிழ்நாடு அரசுப் பணியாளர் தேர்வாணையம் ஆண்டுதோறும் தகுதி வாரியாக தேர்வு நடத்தி வருகிறது .  அந்த வகையில் நடப்பாண்டுக்கான குரூப் 4 தேர்வு ஜூன் 9ம் தேதி நடைபெற்றது. மாநிலம் முழுவதும் 6244 காலிப் பணியிடங்கள் அறிவிக்கப்பட்டிருந்தன. எனினும் இத்தேர்வுக்கு சுமார் 20 லட்சம் பேர் விண்ணப்பித்திருந்தனர்.

ஜூன் 9ம் தேதி மாநிலம் முழுவதும் 7,247 தேர்வு மையங்களில் குரூப்-4 தேர்வு நடைபெற்றது. தமிழகத்தில் 15 லட்சத்துக்கும் மேற்பட்டோர் இந்தத் தேர்வை எழுதினர். சென்னையில் மட்டும் 432 மையங்களில் தேர்வு நடந்த நிலையில், ஒரு லட்சத்து 33 ஆயிரம் பேர் குரூப்-4 தேர்வை எழுதினர். 

தமிழ்நாடு அரசுப் பணியாளர் தேர்வாணையம் அடுத்த மாதம் அக்டோபரில் வெளியாகும் என ஏற்கனவே அறிவிக்கப்பட்டு இருந்தது. இந்நிலையில்  https://www.tnpsc.gov.in/English/SelectionSchedule.html என்ற அதிகாரப்பூர்வ இணையதளப் பக்கத்தில் இது குறித்து அறிந்து கொள்ளலாம் எனத் தெரிவிக்கப்பட்டுள்ளது.