நாடு முழுவதும் பெண்களுக்கு எதிரான பாலியல் குற்றங்கள் அதிகரித்து வருகின்றது. இந்நிலையில், ஆக்ராவில் தங்கும் விடுதியின் பெண் பணியாளர் ஒருவரை, அவரது ஆண் நண்பர் உள்ளிட்ட சிலர் வலுக்கட்டாயமாக மது குடிக்க வைத்து, கூட்டு பாலியல் பலாத்காரம் செய்துள்ளனர். அந்த பெண், என்னை விட்டு விடுங்கள்... எனக்கு 2 பெண் குழந்தைகள் உள்ளனர் என்று கதற கதற, வலுக்கட்டாயமாக அந்த பெண்ணை இழுத்துச் சென்று பாலியல் பலாத்காரம் செய்துள்ளனர் அரக்க கும்பல். இது தொடர்பாக ஒரு பெண் உள்ளிட்ட 5 பேரை போலீசார் கைது செய்துள்ளனர்.

உத்தரபிரதேச மாநிலம், ஆக்ராவில் இயங்கி வரும் தங்கும் விடுதி ஒன்றில் கடந்த ஒன்றரை வருடங்களாக பெண் ஒருவர் பணியாற்றி வந்திருக்கிறார். திடீரென இவர் மீது பாலியல் பலாத்காரம் தொடுக்கப்படும் வீடியோ இணையத்தில் வைரலானது. இதனைக் காணும் மக்கள் கொதித்துப் போயுள்ளனர்.

இந்த வீடியோ இணையத்தில் பரவியதும், ஆக்ரா போலீஸார் விரைந்து சென்று அந்தப் பெண்ணை மீட்டனர். போலீஸ் விசாரணையில், பெண்ணின் ஆண் நண்பர் ஒருவர், மேலும் சில ஆண்களின் உதவியோடு வலுக்கட்டாயமாக தனக்கு மதுவைப் புகட்டியதாகவும், பின்னர் அடித்து விடுதி அறைக்குள் இழுத்துச் சென்று கூட்டு பலாத்காரம் செய்ததாகவும் தெரிவித்துள்ளார்.

மது பாட்டிலால் தலையில் தாக்கியது உட்பட தன்னை பலவகையிலும் அடித்து சித்ரவதை செய்ததாகவும் தனது புகாரில் அப்பெண் தெரிவித்திருக்கிறார். இதனையடுத்து, பெண்ணை தாக்கியது, சித்ரவதை செய்தது மற்றும் கூட்டு பாலியல் பலாத்காரம் உள்ளிட்ட பல்வேறு பிரிவுகளின் கீழ் வழக்கு பதிவு செய்த ஆக்ரா போலீஸார், ஒரு பெண் உட்பட 5 பேரை கைது செய்துள்ளனர்.

ஐப்பசி மாத புனித நீராடலின் மகத்துவம்.. மிஸ் பண்ணீடாதீங்க!!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

கிடுகிடுவென உடல் எடை குறைய தினம் இந்த பழம் சாப்பிட்டு பாருங்க...!!

ஐஸ்வர்யங்களை அள்ளித் தரும் ஐப்பசி மாத பண்டிகைகள், சிறப்புக்கள்!!