தனது குட்டியை ஏற்காத தாய் யானை.. முதுமலை முகாமிற்கு அழைத்துச் சென்ற வனத்துறையினர்!
கோவை மருதமலை வனப்பகுதியில் குட்டி யானை தாயுடன் சேர்க்க முடியாததால் முதுமலைக்கு கொண்டு செல்லப்பட்டது. வன ஊழியர்கள் மற்றும் பாகன்கள் 3 நாட்களாக முயன்றும் குட்டி யானையை அதன் தாயிடம் சேர்க்க முடியவில்லை. குட்டி யானையை மற்ற கூட்டங்களுடன் இணைக்கும் முயற்சியும் தோல்வியில் முடிந்தது. தாய் யானை குட்டியை பார்த்து அருகில் கொண்டு வந்த போது அதனை ஏற்கவில்லை என தெரிவிக்கப்படுகிறது.
கோவை மருதமலை வனப்பகுதியில் கடந்த மே 30-ம் தேதி உடல் நலக்குறைவால் தரையில் கிடந்த 40 வயது மதிக்கத்தக்க பெண் யானைக்கு வனத்துறையினர் 5 நாட்களாக சிகிச்சை அளித்தனர். பெண் யானையுடன் இருந்த 3 மாத ஆண் யானை, மற்றொரு யானை கூட்டத்துடன் சேர்ந்து ஜூன் 1ம் தேதி வனப்பகுதிக்குள் புகுந்தது.பின்னர், தாய் யானை குணமடைந்து கடந்த 3ம் தேதி வனப்பகுதிக்குள் விடப்பட்டது. இந்நிலையில், கடந்த 4ம் தேதி கூட்ட நெரிசலில் இருந்து பிரிந்து சென்ற குட்டி யானையை மீட்டு தாயிடம் சேர்க்கும் முயற்சியில் வனத்துறையினர் ஈடுபட்டுள்ளனர்.
இதற்காக ஆனைமலை டாப்சிலிப் கோழிகமுதி யானைகள் முகாமில் இருந்து அனுபவம் வாய்ந்த பாகன்கள், காவடி உள்ளிட்ட 4 பேர் வரவழைக்கப்பட்டு குட்டி யானை சேர்க்கும் முயற்சி நடந்தது. மேலும், தாய் யானை குட்டியை ஏற்காததால், குட்டியை மற்றொரு யானைக் கூட்டத்தில் சேர்க்கும் பணியில் வனத்துறையினர் ஈடுபட்டுள்ளனர். இந்நிலையில் மருதமலை வனப்பகுதியில் உள்ள மற்றொரு யானைக்கூட்டத்தில் குட்டியை சேர்க்க வனத்துறையினர் முதல் முயற்சியில் ஈடுபட்டனர். ஆனால், அந்த முயற்சிக்கும் பலன் கிடைக்கவில்லை. இந்நிலையில் குட்டி யானையை பராமரிக்க முதுமலை முகாமிற்கு அழைத்துச் செல்லப்பட்டுள்ளது.
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!