சாலையின் குறுக்கே வந்த மாடு.. கோர விபத்தில் முன்னாள் ராணுவ வீரர் பலியான சோகம்!

ஆவடி அருகே வெள்ளனூர் கிராமத்தைச் சேர்ந்தவர் ராமமூர்த்தி (67). ராணுவத்தில் பணியாற்றி 20 ஆண்டுகளுக்கு முன்பு ஓய்வு பெற்றார். இவர் தற்போது ஆவடி தனியார் கல்லூரியில் உதவி பாதுகாப்பு அதிகாரியாக பணியாற்றி வந்தார். இவர் கடந்த 3ம் தேதி இருசக்கர வாகனத்தில் சென்றபோது திடீரென சாலையின் குறுக்கே வந்த மாடு இவர் மீது மோதியதாக கூறப்படுகிறது.

இதில் நிலைதடுமாறி கீழே விழுந்த ராமமூர்த்தி பலத்த காயமடைந்தார். இதை பார்த்த அங்கிருந்தவர்கள் உடனடியாக அவரை மீட்டு சிகிச்சைக்காக ஆவடி அரசு மருத்துவமனைக்கு அனுப்பி வைத்தனர். அங்கு முதலுதவி சிகிச்சை பெற்று மேல் சிகிச்சைக்காக கீழ்ப்பாக்கம் அரசு மருத்துவமனையில் அனுமதிக்கப்பட்டு தீவிர சிகிச்சை அளிக்கப்பட்டு வந்தது.

இந்நிலையில், சிகிச்சை பலனின்றி அவர் இன்று உயிரிழந்தார். விபத்து குறித்து ஆவடி போக்குவரத்து புலனாய்வு போலீசார் வழக்குப்பதிவு செய்து விசாரணை நடத்தி வருகின்றனர்.

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை...

 ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

இந்த 8 நட்சத்திரக்காரர்களுக்கு அதிர்ஷ்ட மழை... வாய்ப்பை பயன்படுத்திக்கோங்க!