இன்று சூரசம்ஹாரம் | திருச்செந்தூரில் இருந்து சென்னைக்கு சிறப்பு ரயில் அறிவிப்பு!
இது குறித்து தெற்கு ரயில்வே வெளியிட்டுள்ள செய்திக்குறிப்பில், “திருச்செந்தூர் கந்தசஷ்டி விழாவின் முக்கிய நிகழ்வான சூரசம்ஹாரம் நிகழ்ச்சி இன்று நவம்பர் 7ம் தேதி வியாழக்கிழமை நடக்கிறது. இதில் லட்சக்கணக்கான பக்தர்கள் கலந்து கொள்வார்கள். இதனால் பக்தர்கள் வசதிக்காக சிறப்பு ரயில்கள் இயக்கப்படுகிறது.
அதன்படி தாம்பரத்தில் இருந்து நெல்லைக்கு சூப்பர் பாஸ்ட் சிறப்பு ரயில் (06099) இயக்கப்பட்டது. இந்த ரயில் தாம்பரத்தில் இருந்து இரவு 10.30 மணிக்கு புறப்பட்டு அடுத்த நாள் காலை 8.30 மணிக்கு நெல்லையை சென்றடைகிறது.
இந்த ரயிலில் 2 ஏ.சி மூன்றடுக்கு பெட்டிகளும், 7 சாதாரண முன்பதிவு பெட்டிகளும், 7 சாதாரண பொதுப்பெட்டிகளும், 2 மாற்றுத்திறனாளிகளுக்கான பெட்டிகளும் இணைக்கப்பட்டு உள்ளன. இந்த ரயில் செங்கல்பட்டு, விழுப்புரம், விருத்தாச்சலம், திருச்சி, மதுரை, திண்டுக்கல், விருதுநகர், சாத்தூர், கோவில்பட்டி ஆகிய ஊர்களில் நின்று செல்லும்.
இதே போன்று இன்று நவம்பர் 7ம் தேதி மறுமார்க்கமாக திருச்செந்தூரில் இருந்து சென்னைக்கு சிறப்பு ரயில் (06100) இயக்கப்படுகிறது. இந்த ரயில் திருச்செந்தூரில் இருந்து இன்று இரவு 10.15 மணிக்கு புறப்பட்டு நாளை காலை 10.30 மணிக்கு சென்னை சென்டிரல் ரயில் நிலையத்தை வந்தடைகிறது.
இந்த ரயில் ஆறுமுகநேரி, நாசரேத், ஸ்ரீவைகுண்டம், செய்துங்கநல்லூர், நெல்லை, கோவில்பட்டி, சாத்தூர், விருதுநகர், மதுரை, திண்டுக்கல், திருச்சி, விருத்தாச்சலம், விழுப்புரம், செங்கல்பட்டு, தாம்பரம், சென்னை எழும்பூர் ஆகிய ரயில் நிலையங்களில் நின்று செல்லும்.
இந்த ரயிலில் 2 ஏ.சி மூன்றடுக்கு பெட்டிகளும், 7 சாதாரண முன்பதிவு பெட்டிகளும், 7 சாதாரண பொதுப்பெட்டிகளும், 2 மாற்றுத் திறனாளிகளுக்கான பெட்டிகளும் இணைக்கப்பட்டு உள்ளன. இந்த ரயிலுக்கான முன்பதிவு தற்போது தொடங்கி உள்ளது என தெரிவிக்கப்பட்டுள்ளது.
ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை
ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க
இந்த 8 நட்சத்திரக்காரர்களுக்கு அதிர்ஷ்ட மழை... வாய்ப்பை பயன்படுத்திக்கோங்க!