விளையாடிக் கொண்டிருந்த குழந்தையை கடித்து குதறிய தெரு நாய்கள்.. அடுத்து நடந்த சோகம்!

தமிழகத்தில் கடந்த சில மாதங்களாக தெருநாய்களின் எண்ணிக்கை அதிகரித்து வருகிறது. நகர் மற்றும் கிராமப்புறங்களில் தெருநாய்களின் இனப்பெருக்கம் அதிகரித்து வருவதால், தெருநாய்களால் தாக்கப்படும் குழந்தைகளின் எண்ணிக்கை அதிகரித்து வருகிறது. தெருநாய் கடியால் குழந்தைகள் மட்டுமின்றி பெரியவர்களும் பாதிக்கப்படுகின்றனர் என்பது குறிப்பிடத்தக்கது. காஞ்சிபுரத்தில் நடந்த மற்றொரு சம்பவத்தில் இரண்டு வயது குழந்தையை தெருநாய் கடித்துள்ளது.

காஞ்சிபுரம் மாவட்டம் வாலாஜாபாத் அடுத்த நாய்க்கன்குப்பம் கிராமத்தைச் சேர்ந்தவர்கள் தமிழ்-சுவேதா தம்பதி. இவர்களுக்கு பவிஷ் என்ற 2 வயதில் மகன் உள்ளார். இந்நிலையில் நேற்று மாலை குழந்தை வீட்டுக்கு வெளியே விளையாடிக் கொண்டிருந்ததாக கூறப்படுகிறது. அப்போது, ​​அப்பகுதியில் சுற்றித்திரிந்த 5க்கும் மேற்பட்ட தெருநாய்கள், குழந்தை விளையாடுவதை பார்த்து, தெருநாய்கள் குழந்தையை கடித்து குதறின.

தெருநாய்கள் கடித்ததில் தாடை பகுதியில் பலத்த காயம் அடைந்த குழந்தை பவிஷின் அலறல் சத்தம் கேட்டு அக்கம் பக்கத்தினர் குழந்தையை மீட்டு வாலாஜாபாத் மருத்துவமனையில் சிகிச்சைக்காக சேர்த்தனர். தற்போது வாலாஜாபாத் மருத்துவமனையில் சிகிச்சை பெற்று வரும் குழந்தை பவிஷுக்கு உரிய சிகிச்சை அளிக்க வேண்டும் என பெற்றோர் கோரிக்கை விடுத்துள்ளனர். சமீபகாலமாக பல்வேறு பகுதிகளில் தெருநாய் கடித்து சிறியவர்கள் முதல் முதியவர்கள் வரை காயம் அடைந்து சிகிச்சை பெற்று வந்த நிலையில், தற்போது தெருநாய் கடித்து 2 வயது குழந்தை சிகிச்சைக்காக அனுமதிக்கப்பட்டிருப்பது மத்தியில் அச்சத்தை ஏற்படுத்தியுள்ளது. 

இதுகுறித்து அப்பகுதி மக்கள் கூறுகையில், கடந்த சில மாதங்களாக தங்கள் பகுதியில் நாய்களின் எண்ணிக்கை அதிகரித்து வருகிறது. நாய்கள் திடீரென பைத்தியக்காரத்தனமாக நடந்துகொள்வதும், இதனால் பெரியவர்கள் மற்றும் குழந்தைகள் பாதிக்கப்படுவதும் வழக்கமான கதையாகிவிட்டது. எனவே, நாய்கள் பெருக்கத்தை தடுக்க மாவட்ட நிர்வாகம் உரிய நடவடிக்கை எடுக்க வேண்டும் என கோரிக்கை விடுத்துள்ளனர்.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

 பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!