அதிர்ச்சி... வீட்டில் விளையாடிக் கொண்டிருந்த 7ம் வகுப்பு மாணவன் மின்சாரம் தாக்கி மரணம்!

தனது வீட்டில் ஜன்னல் மீது ஏறி விளையாடிக் கொண்டிருந்த 7ம் வகுப்பு மாணவன் மின்சாரம் தாக்கி பரிதாபமாக உயிரிழந்த சம்பவம் பெரும் சோகத்தையும், அதிர்ச்சியையும் ஏற்படுத்தியுள்ளது.

புதுக்கோட்டை மாவட்டம், விராலிமலை அருகே பேராம்பூர் பகுதியைச் சேர்ந்தவர் குமார். விவசாயியான இவரது மகன் தர்ஷன். அந்த பகுதியில் உள்ள சூரியூர் அரசு மேல்நிலை பள்ளியில் தர்ஷன் 7ம் வகுப்பு படித்து வந்தார்.

இந்நிலையில் மழைக் காரணமாக பள்ளிகளுக்கு விடுமுறை அறிவிக்கப்பட்டிருந்ததால், வீட்டில் இருந்த சிறுவன் தர்ஷன், வீட்டினுள் ஜன்னல் மீது ஏறி விளையாடி கொண்டிருந்தார். அப்போது, சேதமடைந்த மின் ஒயர் மீது சிறுவனின் கை எதிர்பாராத விதமாக பட்டதால் மின்சாரம் பாய்ந்து, துாக்கி வீசப்பட்டார்.

அவரை உடனடியாக விராலிமலை அரசு மருத்துவமனைக்கு உறவினர்கள் துாக்கி சென்றனர். அதற்குள் அவர் இறந்து விட்டதாக மருத்துவர்கள் தெரிவித்தனர். இது குறித்து வழக்குப்பதிவு செய்து மாத்துார் போலீசார் விசாரணை நடத்தி வருகின்றனர்.

கார்த்திகை ஸ்பெஷல்... சங்காபிஷேகம் விரதமுறை, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!