சவுக்கு சங்கருக்கு ஒவ்வொரு மணி நேரத்திற்கு ரூ.10,000 இழப்பீடு.. தமிழக அரசை விளாசிய நீதிபதி!
யூடியூபர் சவுக்கு சங்கர் மீதான குண்டர் சட்டத்தின் கீழ் பிறப்பித்த உத்தரவை ரத்து செய்யக் கோரி அவரது தாயார் தாக்கல் செய்த மனுவுக்கு சென்னை மாநகர காவல் ஆணையர் பதில் அளிக்க சென்னை உயர்நீதிமன்றம் உத்தரவிட்டுள்ளது. சென்னை உயர் நீதிமன்ற நீதிபதிகள் சுவாமிநாதன், பாலாஜி ஆகியோர் அடங்கிய அமர்வு, குண்டர் சட்டத்தின் கீழ் சிறையில் அடைக்கப்பட்ட உத்தரவை எதிர்த்து யூடியூபர் சவுக்கு சங்கரின் தாயார் கமலா தாக்கல் செய்த ரிட் மனுவை விசாரித்தனர்.
சவுக்கு சங்கரை குண்டர் சட்டத்தின் கீழ் சிறையில் அடைத்த உத்தரவை நீதிபதி சுவாமிநாதன் ரத்து செய்தார். ஆனால், தாயாரின் மனுவுக்கு பதிலளிக்க கால அவகாசம் அளிக்காமல் உத்தரவு பிறப்பிக்க முடியாது என்று தமிழக அரசு பதில் அளிக்க சவுக்கு சங்கர் உத்தரவிட்டிருந்தார். இரு நீதிபதிகளும் மாறுபட்ட தீர்ப்பை வழங்கியதையடுத்து, வழக்கு மூன்றாவது நீதிபதிக்கு மாற்றப்பட்டது. நீதிபதி ஜெயச்சந்திரனை மூன்றாவது நீதிபதியாக நியமித்து தலைமை நீதிபதி மகாதேவன் உத்தரவு பிறப்பித்திருந்தார்.
இந்த வழக்கு நீதிபதி ஜெயச்சந்திரன் முன் இன்று மீண்டும் விசாரணைக்கு வந்தபோது, தமிழக அரசு சார்பில் ஆஜரான கூடுதல் தலைமை வழக்கறிஞர் ரவீந்திரன் கூறியதாவது: கடந்த 4ம் தேதி இந்த வழக்கு விசாரணைக்கு வந்தபோது வழக்கை திருப்பி அனுப்பக்கோரி மனு தாக்கல் செய்யப்பட்டது. இதை ஏற்க மறுத்த நீதிபதி, இந்த வழக்கில் அரசு பதில் மனு தாக்கல் செய்யாமல் விசாரணைக்கு ஒத்துழைக்க மறுப்பதாக குற்றம்சாட்டினார்.
மேலும், தனி நபர்களின் சுதந்திரம் முக்கியமானது என்றும், குண்டர் சட்டத்தில் சிறை தண்டனை விதித்த உத்தரவு சட்டவிரோதமானது எனில், குண்டர் சட்டத்தில் சிறை தண்டனை விதிக்கப்பட்ட உத்தரவு பிறப்பிக்கப்பட்ட பிறகு, ஒவ்வொரு மணி நேரத்துக்கும் ரூ.10,000 இழப்பீடாக அரசு தருமா? என்று கேள்வி எழுப்பினார். சவுக்கு சங்கர் தாய் தரப்பில் மீண்டும் இரண்டு நீதிபதிகள் கொண்ட அமர்விற்கு அனுப்ப வேண்டிய அவசியமில்லை என்றும், நீதிமன்ற நேரத்தை வீணடிப்பதாகவும் நீதிபதி தெரிவித்தார்.
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!