சென்னை உட்பட 7 மாவட்டங்களுக்கு அதிகனமழைக்கான ரெட் அலெர்ட்!

 

தென்மேற்கு வங்கக் கடலில் நிலவிய ஆழ்ந்த காற்றழுத்த தாழ்வு மண்டலம் நிலவி வருகிறது. இந்த காற்றழுத்த தாழ்வு மண்டலம் நாகைக்கு தென்கிழக்கே 280 கி.மீ. தொலைவிலும், புதுச்சேரிக்கு தென்கிழக்கே 380 கி.மீ. தொலைவிலும், சென்னைக்கு தெற்கு-தென்கிழக்கே 480 கி.மீ. தொலைவிலும் நிலவி வருகிறது.  

இது, வடக்கு – வடமேற்கு திசையில் இலங்கை கடற்கரையை ஒட்டியப்படி, தமிழக கடற்கரையை நோக்கி மிக மெதுவாக நகா்ந்து வருகிறது.இந்த காற்றழுத்த தாழ்வு பகுதி நேற்று நவம்பர் 27ம் தேதி புதன்கிழமை புயலாக வலுப்பெறக்கூடும் என எதிர்பார்க்கப்பட்டது. ஆனால், மெல்ல 2 கிலோ மீட்டர் வேகத்தில் நகர்ந்து வந்த காற்றழுத்த தாழ்வு மண்டலம் தற்போது நகராமல் ஒரே இடத்தில் மையம் கொண்டுள்ளது.

இதனையடுத்து இன்று நவம்பர் 28ம் தேதி வியாழக்கிழமை  செங்கல்பட்டு, விழுப்புரம், கடலூர் உட்பட  9 மாவட்டங்களில கனமழைக்கு வாய்ப்புள்ளது.நாளை நவம்பர் 29ம் தேதி  சென்னை, செங்கல்பட்டு, விழுப்புரம், மயிலாடுதுறை,  காஞ்சிபுரம், திருவள்ளூர்   மாவட்டங்களுக்கு அதி கனமழைக்கான ரெட் அலர்ட் விடுக்கப்பட்டுள்ளது.