உஷார்... ஊட்டி, கொடைக்கானல் செல்ல இ-பாஸ் நடைமுறை மீண்டும் நீட்டிப்பு... கலெக்டர் அறிவிப்பு!
தமிழகத்தில் பள்ளிகளில் காலாண்டு தேர்வுகள் முடிந்து விடுமுறை அறிவிக்கப்பட்டுள்ள நிலையில், பலரும் சொந்த ஊர்களுக்கும், சுற்றுலா தலங்களுக்கும் திட்டமிட்டு வருகின்றனர். இந்நிலையில், ஊட்டி மற்றும் கொடைக்கானல் செல்ல இ-பாஸ் நடைமுறை நேற்றுடன் முடிவடைந்த நிலையில், மீண்டும் நீடிக்கப்பட்டுள்ளதாக நீலகிரி மாவட்ட ஆட்சியர் லட்சுமி பவ்யா அறிவித்துள்ளார்.
இது குறித்து அவர் வெளியிட்டுள்ள அறிக்கையில், “மாண்பமை சென்னை உயர்நீதிமன்ற உத்தரவின் படி நீலகிரி மாவட்டத்திற்கு பிற மாநிலங்கள் மற்றும் மாவட்டங்களிலிருந்து வாகனங்கள் மூலம் வருகை தரும் சுற்றுலா பயணிகள் மே மாதம் 7ம் தேதி முதல் முதல் இ-பாஸ் பயன்படுத்தி நீலகிரி மாவட்டத்திற்குள் நுழைய உத்தரவிடப்பட்டிருந்தது.
இதனைத் தொடர்ந்து இது நாள் வரை இ-பாஸ் முறை நடைமுறையில் இருந்து வரும் நிலையில், மாண்பமை சென்னை உயர்நீதி மன்றத்தால் மறு உத்தரவு பிறப்பிக்கப்படும் வரை இ-பாஸ் நடைமுறையினை நீட்டிக்க உத்தரவிடப்பட்டுள்ளது.
எனவே நீலகிரி மாவட்டத்திற்குள் வரும் அனைத்து சுற்றுலா பயணிகளும் ஏற்கனவே நடைமுறையில் உள்ளவாறு https://www.epass.tnega.org என்ற இணையதளம் மூலம் இ-பாஸ் பெற்று நீலகிரி மாவட்டத்திற்குள் வருகை தரும்படி கேட்டுக் கொள்ளப்படுகிறது.
நீலகிரி மாவட்டத்தில் வசிக்கும் பொது மக்கள், நீலகிரி மாவட்ட பதிவு எண் TN 43 பெற்றிருந்தால் அந்த வாகனங்களுக்கு இ-பாஸ் தேவையில்லை எனவும் தெரிவிக்கப்படுகிறது. மாவட்ட எல்லையில் அமைந்துள்ள சோதனை சாவடிகளில் இ-பாஸ் சரிபார்ப்பு பணிக்காக வாகனங்களை நிறுத்தி சரிபார்ப்பிற்கு பிறகு நீலகிரி மாவட்டத்திற்குள் நுழைய கேட்டுக் கொள்ளப்படுவதுடன் இது தொடர்பாக மாவட்ட நிர்வாகத்திற்கு உரிய ஒத்துழைப்பினை நல்குமாறு அனைத்து பொது மக்கள் மற்றும் சுற்றுலா பயணிகள் கேட்டுக் கொள்ளப்படுவதாக கூறப்பட்டுள்ளது.
இது போலவே கொடைக்கானல் மலைப்பகுதிக்கு சுற்றுலா செல்வதற்கும் இ-பாஸ் நடைமுறை நீட்டிக்கப்பட்டுள்ளது. சுற்றுலா செல்லும் பயணிகள் முன்னதாகவே இ-பாஸ் பெற்று உங்கள் பயணத்தை திட்டமிட்டுக்கோங்க.
இதையும் பிடிச்சிருந்தா படிச்சு பாருங்க
வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!
பகீர்! கல்லூரி மாணவியைக் கடத்தி பாலியல் வன்கொடுமை!
பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!