’நோ பார்க்கிங் வண்டிகள் தான் குறி’.. தொடர் கைவரிசை காட்டிய 60 வயது முதியவர் கைது!

தாம்பரம் மாநகர காவல் ஆணையர் எல்லைக்குட்பட்ட பகுதிகளில் இருசக்கர வாகனங்கள் திருடு போவதாக புகார் எழுந்தது. இதையடுத்து, குற்றவாளிகளை விரைந்து பிடிக்க போலீஸ் கமிஷனர் உத்தரவிட்டதையடுத்து, சிட்லபாக்கம் போலீஸ் இன்ஸ்பெக்டர் பரணிதரன் தலைமையில் தனிப்படை அமைக்கப்பட்டு தீவிர விசாரணை நடத்தப்பட்டது.

இதையடுத்து, இரு சக்கர வாகனங்கள் திருடப்பட்ட இடத்தில் இருந்த சிசிடிவி கேமரா காட்சிகளை கைப்பற்றி ஆய்வு செய்தபோது, ​​60 வயது மதிக்கத்தக்க ஒருவர், பல்வேறு இடங்களில் இருசக்கர வாகனங்களை (டிவிஎஸ் ஸ்கூட்டி) திருடி, கூடுவாஞ்சேரிக்கு கொண்டு செல்வது தெரியவந்தது. அதன்பிறகு அந்த மர்ம நபர் யார் என்பது குறித்து போலீசார் தீவிர விசாரணை நடத்தி வந்தனர். மேலும் நேற்று அதிகாலை ஊர்ப்பாக்கம் பகுதியில் தீவிர கண்காணிப்பு பணியில் ஈடுபட்டனர். அப்போது, ​​ஸ்கூட்டரில் வந்த நபரை பிடித்து விசாரித்தனர். அப்போது, ​​அவர் தேனாம்பேட்டையைச் சேர்ந்த ஹரிகரன் (60) என்பது தெரியவந்தது.

மேலும், சிசிடிவி காட்சிகளில் காணப்பட்ட முதியவர் அதே நபரைப் போல் உள்ளதால், அந்த நபரை காவல் நிலையத்துக்கு அழைத்துச் சென்று தீவிர விசாரணை மேற்கொண்டுள்ளனர். விசாரணையில், அந்த நபர், கடந்த இரண்டரை மாதங்களில், பொது இடங்களில் (நோ பார்க்கிங்) நிறுத்தப்படும் இருசக்கர வாகனங்களை மட்டும் குறிவைத்து, போலி சாவியை வைத்து, பத்துக்கும் மேற்பட்ட இருசக்கர வாகனங்களை திருடியதாக, வாக்குமூலம் அளித்துள்ளார். 

திருவண்ணாமலை, வந்தவாசிக்கு திருடிய இருசக்கர வாகனங்களை ஹரிகரன் எடுத்துச் சென்று, கிராமப்புறங்களில் வழக்கமான வியாபாரிகள், பால் விற்பனை செய்பவர்கள் என வாகன எண்களை மாற்றி குறைந்த விலைக்கு விற்றதும் தெரியவந்தது. இதையடுத்து, ஹரிகரன் விற்ற ஒன்பது இருசக்கர வாகனங்களும், அவர் வசித்து வந்த ஊர்ப்பாக்கத்தில் உள்ள வாடகை வீட்டில் 5 இருசக்கர வாகனங்களும் என மொத்தம் 14 வாகனங்களை போலீஸார் பறிமுதல் செய்துள்ளனர்.

மேலும், சூளைமேடு, சைதாப்பேட்டை, மாம்பலம், மயிலாப்பூர், சேலையூர், செங்கல்பட்டு ஆகிய காவல் நிலையங்களில் 50க்கும் மேற்பட்ட இருசக்கர வாகனங்கள் போன்ற 50க்கும் மேற்பட்ட ஸ்கூட்டர்களை ஹரிகரன் திருடி 10 ஆண்டுகளுக்கும் மேலாக சிறை சென்றது தெரிய வந்துள்ளது. இதையடுத்து ஹரிகரன் மீது சிட்லபாக்கம் போலீஸார் வழக்குப் பதிவு செய்து நீதிமன்றத்தில் ஆஜர்படுத்தி சிறையில் அடைத்தனர். இந்நிலையில், பொதுமக்கள் இரு சக்கர வாகனங்களை நிறுத்தும் இடத்தில் மட்டுமே நிறுத்த வேண்டும் என்றும், பொது இடங்களில் நிறுத்த வேண்டாம் என்றும் போலீசார் எச்சரித்துள்ளனர்.

இதையும் பிடிச்சிருந்தா படிச்சு பாருங்க

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பகீர்! கல்லூரி மாணவியைக் கடத்தி பாலியல் வன்கொடுமை!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!

வீடியோ! குளிக்கச் சென்றவரை உயிரோடு முழுங்கிய முதலை