செம... ரோட்டில் பள்ளமா? போட்டோ எடுத்து அனுப்பினா உடனடி தீர்வு... நம்ம சாலை செயலி!!
தமிழகத்தில் மழைக்காலம் தொடங்கிவிட்டது. திடீர் பள்ளங்கள், பிளவுகள் சமீபகாலமாக சாலைகளில் ஏற்படத் தொடங்கியுள்ளன. வாகன ஓட்டிகள் இதனால் கடும் அவதிப்பட்டு வருகின்றனர். நெடுஞ்சாலைத் துறையினரால் சரிசெய்யப்படுவதற்கு முன் அந்த் பள்ளத்தால் சில விபத்துக்களும்,, அசம்பாவிதங்களும் ஏற்பட்டு விடுகின்றன. இவைகளை களையும் வகையில் நம்ம சாலை செயலி தொடங்கப்பட்டுள்ளது. இதன் மூலம் சாலைகளில் ஏற்படும் திடீர் பள்ளங்கள், குறைபாடுகளை பதிவிட்டால் 24 மணி நேரத்திற்குள் அதாவது ஒரே நாளில் சரிசெய்யப்பட்டு விடும்.
மானியக் கோரிக்கையின் போது, பிரத்தேயக கைபேசி செயலி உருவாக்கப்படும் என அறிவிக்கப்பட்டது. அதன்படி தற்போது “நம்ம சாலை“ என்ற மென்பொருள் மற்றும் கைபேசி செயலி உருவாக்கப்பட்டது. “ இதன் மூலம் நெடுஞ்சாலைத்துறையினால் பராமரிக்கப்படும் சாலைகளில் ஏற்படும் பள்ளங்கள் குறித்து பொதுமக்கள் கைபேசி செயலி மூலம் புவி குறியீட்டுடன் கூடிய புகைப்படங்களுடன் பதிவேற்றம் செய்யலாம். பதிவேற்றம் செய்யப்பட்ட விவரம் அச்சாலைக்குரிய பொறியாளருக்கு செயலி மூலம் தகவல் தெரிவிக்கப்பட்டு, குறித்த காலக்கெடுவுக்குள் பள்ளங்களை செப்பனிட நடவடிக்கை எடுக்கப்படும். அதே போல் சாலைகள் செப்பனிடப்பட்ட விவரம் புகைப்படங்களுடன், “நம்ம சாலை“ செயலி மூலம் பதிவேற்றம் செய்யப்படும். மேலும் புகார் அளிக்கும் பொதுமக்களின் அலைபேசிக்கு அனுப்பப்படும். இச்செயலி மூலம் பள்ளங்கள் குறித்து தெரிவிப்பதுடன் மட்டுமில்லாமல், பேரிடர் காலங்களில் மரம் விழுதல், வெள்ளப்பெருக்கு போன்றவற்றைக் குறித்தும் புகார்கள் அளிக்கலாம்.” எனத் தெரிவித்துள்ளார்.
ஐப்பசி மாத புனித நீராடலின் மகத்துவம்.. மிஸ் பண்ணீடாதீங்க!!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
கிடுகிடுவென உடல் எடை குறைய தினம் இந்த பழம் சாப்பிட்டு பாருங்க!
ஐஸ்வர்யங்களை அள்ளித் தரும் ஐப்பசி மாத பண்டிகைகள், சிறப்புக்கள்!