5000 பக்தர்கள், 3 டியில் அறுபடை வீடு கண்காட்சி, கருத்தரங்கம், விருதுகள் .... அனைத்துலக முருகன் மாநாடு லேட்டஸ்ட் அப்டேட்ஸ்!

 தமிழகத்தில் இந்து அறநிலையத்துறை சார்பில் ஆகஸ்ட் 24 மற்றும் 25ம் தேதிகளில் அனைத்துலக முத்தமிழ் முருகன் மாநாடு 2024 நடைபெற உள்ளது. இதற்கான முன்னேற்பாடுகள் தற்போது திண்டுக்கல் மாவட்டம் பழனியில் விறுவிறுப்பாக நடைபெற்று வருகிறது. இந்த மாநாட்டில் கலந்துகொள்ள, முருகர் குறித்து   ஆய்வு கட்டுரைகள் எழுதி அனுப்பலாம். ஆன்லைன் மூலம்  muthamizhmuruganmaanadu2024.com   இணையதளத்தில் பதிவு செய்ய வேண்டும் என ஏற்கனவே அறிவிக்கப்பட்டுள்ளது.  
இந்நிலையில், முருகன் மாநாடு பற்றியும், அதற்கான முன்னேற்பாடுகள், ஆய்வு கட்டுரைகள், விருதுகள் பற்றியும் அமைச்சர் சேகர்பாபு  பல்வேறு தகவல்களை பகிர்ந்து கொண்டார்.

இது குறித்து அவர் வெளியிட்ட செய்திக்குறிப்பில் “ஆகஸ்ட் 24 மற்றும் 25 தேதிகளில் அனைத்துலக முத்தமிழ் முருகன் மாநாடு பழனியில் நடைபெற உள்ளது.  தமிழக முதல்வர் தலைமையில் இதற்கான உயர்மட்ட குழு ஆலோசனை கூட்டம் நடைபெற்ற நிலையில் இதில்  முருகர் மாநாடு சிறப்பு மலர் வெளியிடப்பட முடிவு செய்யப்பட்டுள்ளது.
முருகர் பற்றிய ஆய்வு கட்டுரைகள் குவிந்து வருகின்றன.  வெளிநாட்டில் இருந்து 50க்கும் மேற்பட்ட ஆய்வு கட்டுரைகள், இந்தியாவின் பிற  மாநிலங்களில் இருந்து 150க்கும் மேற்பட்ட ஆய்வு கட்டுரைகள், தமிழகத்தில் இருந்து 1000க்கும் மேற்பட்ட ஆய்வு கட்டுரைகள் ஆகியவை வந்துள்ளன. அந்த ஆய்வு கட்டுரைகள் பகுப்பாய்வு செய்யப்பட்டு மாநாட்டில் வெளியிடப்படும்.  

இந்த மாநாட்டில் 5000 முருக பக்தர்கள் கண்டுகளிக்கும் வகையில் மேடை ஏற்பாடு செய்யப்பட்டுள்ளது. 3டி வடிவில் அறுபடை வீடுகளை கைக்கெட்டும் தூரத்தில் தரிசிக்கவும்,  கண்காட்சியும் நடைபெற உள்ளது. வெளிநாட்டில் இருந்து வரும் பக்தர்களுக்கு தங்கும் வசதி ஏற்பாடு செய்யப்பட்டுள்ளது. மேலும் இம்மாநாட்டில் உயர்நீதிமன்ற முன்னாள் இந்நாள் நீதிபதிகள், ஆதீனங்கள் என 100க்கும் மேற்பட்டோர் கலந்து கொள்கின்றனர். முருக பெருமான் விருதுகள் வழங்கப்பட உள்ளது.முருகர் மாநாடு ஆகஸ்ட் 24ம் தேதி காலை 8.30 மணிக்கு தொடங்கி பிற்பகல் ஒரு மணிக்கு நிறைவு பெற்று மீண்டும் பிற்பகல் 2.00 மணிக்கு தொடங்கி இரவு 8.00 மணி வரை நடைபெறும். அதே போல ஆகஸ்ட் 25ம் தேதியும்  கும்மி பாடல், ஆடல் பாடல், கருத்தரங்கம் இவைகளுடன்  மாநாட்டில் கலந்து கொள்ளும் அனைவருக்கும் இலவச உணவுகள் வழங்கப்பட உள்ளது. தமிழகத்தில் இதுவரை நடைபெற்ற ஆன்மிக  மாநாட்டில் மிக பெரிய மாநாடு அனைத்துலக முத்தமிழ் முருகன் மாநாடு தான்” என அமைச்சர் சேகர்பாபு தெரிவித்துள்ளார்.

ஆடி மாதத்தில் சுபகாரியங்களை செய்யலாமா? கூடாதா?!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!