நாளை காலை 9 மணி முதல் சென்னை உட்பட  7 மாவட்டங்களில் மருத்துவ முகாம்கள்!

 
வங்கக்கடலில் உருவான ஃபெஞ்சல் புயல் தற்போது கரையை கடக்கத் தொடங்கியுள்ளது. இதன் காரணமாகச் சென்னை உட்பட 7 மாவட்டங்களில் நாளை மருத்துவ முகாம் நடத்தப்படும் என சுகாதாரத்துறை அமைச்சர் மா. சுப்பிரமணியன் அறிவித்துள்ளார். இந்தப்  புயலின் காரணமாக சென்னை, செங்கல்பட்டு, காஞ்சீபுரம், திருவள்ளூர்  மாவட்டங்களில் இன்று காலை முதல் அதி கனமழை பெய்து வருகிறது.
புயலின் தீவிரம் காரணமாக  ஏற்பட்ட காற்றின் வேகத்தால் மின்கம்பங்கள் அறுந்து விழுந்துள்ளது. தாழ்வான பகுதிகளில் கனமழையின் காரணமாக ஆங்காங்கே தண்ணீர் தேங்கி குடியிருப்பு பகுதிகளில்   வெள்ளம் சூழ்ந்துள்ளது. இதனால், அங்குள்ள மக்கள் பத்திரமாக மீட்டு நிவாரண முகாம்களில் பத்திரமாக தங்க வைக்கப்பட்டுள்ளனர்.

இந்நிலையில், நாளை ஃபெஞ்சல் புயலின் தீவிரம் காரணமாக சென்னை, திருவள்ளூர், செங்கல்பட்டு, காஞ்சிபுரம், விழுப்புரம், கள்ளக்குறிச்சி, கடலூர்  மாவட்டங்களில் 500 மருத்துவ முகாம்கள் நடத்தப்படும் என சுகாதாரத் துறை அமைச்சர் மா.சுப்ரமணியன் தெரிவித்துள்ளார்.
இது குறித்து  வெளியிட்டுள்ள செய்தி குறிப்பில், “ஃபெஞ்சல் புயல் காரணமாக ரெட் அலர்ட் விடுக்கப்பட்ட சென்னை, திருவள்ளூர், செங்கல்பட்டு, காஞ்சிபுரம் விழுப்புரம், கள்ளக்குறிச்சி, கடலூர்  மாவட்டங்களில் நாளை டிசம்பர் 1ம் தேதி  500 மருத்துவ முகாம்கள் நடத்தப்படும். இந்த மருத்துவ முகாம்கள் நாளை காலை 9 மணி முதல் மாலை 4 மணி வரை நடத்தப்படும்.

இதில் சென்னையில் 200 மருத்துவ முகாம்களும் மற்றும் திருவள்ளூர், செங்கல்பட்டு, காஞ்சிபுரம், விழுப்புரம், கள்ளக்குறிச்சி, கடலூர் ஆகிய ஆறு மாவட்டங்களில் தலா 50 மருத்துவ முகாம்கள் என  மொத்தம் 500 மருத்துவ முகாம்கள் நாளை நடத்தப்படும். இந்த மருத்துவ முகாம்கள் தேவைக்கேற்ப எண்ணிக்கை அதிகரிக்கவும் மாவட்ட சுகாதார அலுவலர்களுக்கு அறிவுறுத்தப்பட்டுள்ளது.நாளை நடக்கும் மருத்துவ முகாம்களில் காய்ச்சல், சளி பரிசோதனை , இரத்த கொதிப்பு , நீரிழிவு நோய்க்கான பரிசோதனை போன்ற அடிப்படை பரிசோதனைகள் மேற்கொள்ள அறிவுறுத்தப்பட்டுள்ளது. காய்ச்சல், சளி மருந்துகள், ரத்த கொதிப்பு, நீரிழிவு நோய்க்கான மருந்துகள், உப்பு – சர்க்கரை (ORS) கரைசல், நிலவேம்பு குடிநீர், சேற்றுப்புண் மருந்து போன்ற அத்தியாவசிய மருந்துகள் தேவைக்கு அதிகமாக கையிருப்பில் வைத்துக் கொள்ளவும்  அறிவுறுத்தப்பட்டுள்ளது.
 

கார்த்திகை ஸ்பெஷல்... சங்காபிஷேகம் விரதமுறை, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!