8ம் வகுப்பு தேர்வானவர்களுக்கு சுகாதாரத்துறையில் வேலைவாய்ப்பு... எழுத்து தேர்வு கிடையாது... பிப்ரவரி 22 கடைசி தேதி!
8ம் வகுப்பு தேர்ச்சியடைந்தவர்களுக்கு, புதுக்கோட்டை மாவட்டம் அரசு பல் மருத்துவக் கல்லூரி மருத்துவமனையில் காலியாக உள்ள 49 பல்வேறு பணியிடங்களை நிரப்புவதற்கான வேலை வாய்ப்பு அறிவிப்பு வெளியிடப்பட்டு உள்ளது. இந்த பணியிடங்களுக்கு தகுதியும், ஆர்வமும் உள்ளவர்களிடம் இருந்து விண்ணப்பங்கள் வரவேற்கப்படுவதாக அறிவிப்பு வெளியாகியுள்ளது.
காலியாக உள்ள 49 பணியிடங்கள் தற்காலிக அடிப்படையில் நிரப்பப்பட உள்ளன. இந்த பணியிடங்களுக்கு விண்ணப்பிப்பவர்கள் 22.02.2024 தேதிக்குள் விண்ணப்பிக்க அறிவுறுத்தப்பட்டுள்ளது. இந்தப் பணியிடங்களுக்கு நேர்முகத் தேர்வு அடிப்படையில் தகுதியானவர்கள் தேர்வு செய்யப்படுவார்கள்.
கல்லூரி மருத்துவமனையின் இணையதளப் பக்கத்தில் கொடுக்கப்பட்டுள்ள விண்ணப்பத்தினை பதிவிறக்கம் செய்து பிரிண்ட் எடுத்துக் கொள்ள வேண்டும். பின்னர் விண்ணப்பத்தினை பூர்த்தி செய்து, தேவையான ஆவணங்களுடன் நியமனக்குழு, அரசு பல் மருத்துவக் கல்லூரி மருத்துவமனை, முள்ளூர், புதுக்கோட்டை - 622004 என்ற முகவரிக்கு தபால் அனுப்ப வேண்டும்.
காலிப் பணியிடங்கள் குறித்த விவரம் வருமாறு: பல் மருத்துவ இருக்கை உதவியாளர் காலியிடங்களின் எண்ணிக்கை 10, இதற்கான கல்வித் தகுதி டிப்ளமோ நர்சிங் படித்திருக்க வேண்டும். 35 வயதிற்கு மிகாமல் இருக்க வேண்டும். இதற்கு சம்பளம் ரூ.12,480.
கணினி இயக்குபவர் பணிக்கான காலிப்பணியிடங்களின் எண்ணிக்கை 1. கணினி தரவு நுழைவு ஆப்ரேட்டர் பணியிடங்களின் எண்ணிக்கை 1. இவற்றிற்கான கல்வித் தகுதி : அங்கீகரிக்கப்பட்ட பல்கலைக்கழகத்தில் இளங்கலை கணினி அறிவியலில் பட்டம் படித்திருக்க வேண்டும். தட்டச்சு தெரிந்திருக்க வேண்டும். 35 வயதிற்கு மிகாமல் இருக்க வேண்டும். இப்பணிக்கு சம்பளம் ரூ.17,430.
துறைச் செயலாளர்கள் காலியிடங்களின் எண்ணிக்கை 4. இதற்கு அங்கீகரிக்கப்பட்ட பல்கலைக்கழகத்தில் இளங்கலை கணினி அறிவியல் மற்றும் புள்ளியியலில் பட்டம் படித்திருக்க வேண்டும். மேலும் தட்டச்சு தெரிந்திருக்க வேண்டும். 35 வயதிற்கு மிகாமல் இருக்க வேண்டும். சம்பளம் ரூ.14,430.
துப்புரவு மற்றும் தூய்மைப் பணி காலியிடங்களின் எண்ணிக்கை 10. இதற்கு 8-ம் வகுப்பு தேர்ச்சி பெற்றிருக்க வேண்டும். சைக்கிள் ஓட்டத் தெரிந்திருக்க வேண்டும்.35 வயதிற்கு மிகாமல் இருக்க வேண்டும். சம்பளம் ரூ.12,480.
உதவியாளர் மற்றும் பாதுகாப்பு பணியாளர் காலியிடங்களின் எண்ணிக்கை 23. இதற்கு 35 வயதிற்கு மிகாமல் இருக்க வேண்டும். எட்டாம் வகுப்பு படித்திருக்க வேண்டும். சம்பளம் ரூ.12,480. இப்பணிகளுக்கு தகுதியானவர்கள் தற்போது விண்ணப்பிக்கலாம் என்று தெரிவிக்கப்பட்டுள்ளது.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!
பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!