துப்பாக்கிச்சூடு... இந்திய சிறுமியின் உடல்நிலையில் சற்று முன்னேற்றம்!
லண்டனில் உள்ள ஹாக்னியில் உள்ள ஒரு உணவகத்தில் துப்பாக்கிச் சூடு நடத்தியதில் தலையில் குண்டு காயத்துடன் மோசமான நிலையில் இருந்த 9 வயது சிறுமியின் உடல்நலம் சற்று முன்னேறியுள்ளதாக குடும்பத்தினர் தெரிவித்தனர்.இந்திய மாநிலமான கேரளாவைச் சேர்ந்த குடும்பத்தினர் கடந்த புதன்கிழமை துருக்கி உணவகம் ஒன்றில் உணவருந்திக் கொண்டிருந்தபோது, மோட்டார் சைக்கிளில் வந்த மர்ம நபர் ஒருவர் உணவகத்தின் மீது துப்பாக்கிச் சூடு நடத்தினார்.
சிறுமியுடன், அடையாளம் தெரியாத மூவரும் காயங்களுடன் தப்பினர். ஆனால் 9 வயது சிறுமி மரியா, தலையில் துப்பாக்கியால் சுடப்பட்ட நிலையில் உடனடியாக அருகில் உள்ள மருத்துவமனையில் அனுமதிக்கப்பட்டார். இந்தியாவில் இருந்து தனது உறவினர்களை சந்திக்க லண்டன் வந்த சிறுமி, தற்போது உயிருக்கு ஆபத்தான நிலையில் புதன்கிழமை முதல் வென்டிலேட்டரில் சிகிச்சை பெற்று வருகிறார்.
அவரது உடல்நிலையில் சிறிது மாற்றம் ஏற்பட்டுள்ளதாக அவரது பெற்றோர் தெரிவித்துள்ளனர். இது ஒட்டுமொத்த குடும்பத்தினருக்கும் நம்பிக்கையை ஏற்படுத்தியுள்ளதாக உறவினர் ஒருவர் தெரிவித்தார். மேலும், சிறுமியின் தந்தை பேசியதாகவும், சிறுமி தனது தந்தையின் விரல்களைப் பிடித்துக் கொண்டு பதிலளித்ததாகவும் உறவினர் குறிப்பிட்டுள்ளார்.
தலையில் இருந்து தோட்டா அகற்றப்படவில்லை என்று உறவினர்கள் கூறுகின்றனர், ஆனால் புல்லட் அகற்றப்படும் போது மருத்துவர்கள் மற்றொரு அறுவை சிகிச்சைக்கு தயாராகி வருகின்றனர். புதன்கிழமை இரவு 9 மணியளவில் எவின் உணவகத்தில் சிறுமி மரியா சுடப்பட்டார். டுகாட்டி பைக்கில் வந்த மர்ம நபர் உணவகத்திற்கு வெளியே காத்திருந்த மூன்று பேர் மீது துப்பாக்கிச் சூடு நடத்தினார், அவர்கள் மர்ம நபரின் இலக்காக இருக்கலாம் என்று போலீசார் நம்புகின்றனர்.
தற்போது ஆபத்தான நிலையில் சிகிச்சை பெற்று வரும் சிறுமிக்கு மூவருக்கும் எந்த தொடர்பும் இல்லை என போலீஸ் விசாரணையில் தெரியவந்துள்ளது. மேலும், இந்த மூவர் மீது நடத்தப்பட்ட தாக்குதலில், உணவகத்திற்குள் இருந்த சிறுமியின் மீது துரதிஷ்டவசமாக தலையில் சுடப்பட்டுள்ளார். லண்டனில் வசிக்கும் துருக்கிய மற்றும் குர்திஷ் சமூகத்தினர் இந்த விவகாரத்தில் உதவ முன்வருமாறு போலீசார் வேண்டுகோள் விடுத்துள்ளனர்.
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!