பெரும் அதிர்ச்சி.. வீட்டில் பதுக்கி மது விற்பனை.. தட்டிக்கேட்ட நபரை அடித்தே கொன்ற கொடூரம்!

பெரம்பலூர் மாவட்டம், பாடாலூர் அருகே ஊட்டத்தூர் செல்லும் சாலையில் வாடகை வீட்டில் வசித்து வருபவர் ஆனந்தகுமார். சுரேஷ் வீட்டில் இருந்து மூன்றாவது வீட்டில் வசித்து வந்தார். சுரேஷ் என்பவர் தனது வீட்டில் அரசு அனுமதியின்றி சட்டவிரோதமாக மதுக்கடை நடத்தி வந்ததாக கூறப்படுகிறது. இதனால், மது வாங்க வருபவர்கள், நள்ளிரவில் ஆனந்தகுமாரின் வீட்டுக் கதவைத் தட்டி, மதுபானம் கேட்டு தொந்தரவு செய்து வருகின்றனர். இதனை கண்டித்து ஆனந்தகுமார் சுரேஷிடம் நேரடியாக பலமுறை முறையிட்டுள்ளார்.

பெண்கள் இருக்கும் வீட்டில், நள்ளிரவில் மது கேட்டு வருபவர்கள் இடையூறு செய்வார்கள், எனவே உங்கள் வீட்டின் முன் சாராயம் விற்பதற்காக பேனர் வைக்கவும். இதை சற்றும் கவனிக்காத சுரேஷ், மதுபாட்டில்களை தீவிரமாக விற்பனை செய்து வந்ததாக கூறப்படுகிறது. இந்நிலையில், மது அருந்துபவர்கள் தவறுதலாக வந்து ஆனந்தகுமார் வீட்டுக் கதவைத் தட்டி மது அருந்தும் சம்பவங்கள் நாளுக்கு நாள் அதிகரித்து வருகின்றன. பொறுமை இழந்த ஆனந்தகுமார், பாடாலூர் காவல் நிலையம் சென்று புகார் அளித்தார்.

ஆனால் பாடாலூர் போலீசார் உரிய நடவடிக்கை எடுக்கவில்லை என கூறப்படுகிறது. இதையடுத்து ஆனந்தகுமார் மாவட்ட ஆட்சியர் மற்றும் மாவட்ட காவல் கண்காணிப்பாளரிடம் புகார் மனு ஒன்றை அளித்தார். இதுகுறித்து நடவடிக்கை எடுப்பதாக உறுதியளித்ததையடுத்து,  வீடு திரும்பினார். ஆனால் கலெக்டர் மற்றும் மாவட்ட போலீஸ் சூப்பிரண்டு ஆகியோரிடம் புகார் அளித்த தகவலை அறிந்த சுரேஷ், ஆனந்தகுமாரை கொல்ல திட்டமிட்டுள்ளார். நேற்று முன்தினம் திட்டமிட்டபடி வீட்டின் பின்புறம் விளையாடிக் கொண்டிருந்த ஆனந்தகுமாரின் மூன்று குழந்தைகள் முன்பு சுரேஷ், அவரது மனைவி கீதா மற்றும் 18 வயது கூட நிரம்பாத 2 மகன்கள் ஆனந்தகுமாரை வீட்டுக்கு வெளியே இழுத்துச் சென்று தாக்கியதில் அவர் சம்பவ இடத்திலேயே பலியானார்.

சுரேஷ் ஆத்திரத்தில் கொலை செய்து குடும்பத்துடன் தலைமறைவாகி விட்டார். ஆனந்தகுமாரின் மனைவி வேலைக்காக வெளியூர் சென்றிருந்ததால், அவரது குழந்தைகள் போனில் தகவல் தெரிவித்ததையடுத்து, அருகில் உள்ள பாடாலூர் காவல் நிலையத்தில் புகார் அளித்ததன் பேரில், போலீஸார் சம்பவ இடத்துக்குச் சென்று சடலத்தைக் கைப்பற்றி பிரேதப் பரிசோதனைக்காக பெரம்பலூர் அரசு பொது மருத்துவமனைக்கு அனுப்பி வைத்தனர்.

போலீசார் வழக்குப்பதிவு செய்து தப்பியோட முயன்றவர்களை கைது செய்து நீதிமன்றத்தில் ஆஜர்படுத்தப்பட்டது. சுரேஷ், ரத்த அழுத்தம் காரணமாக பெரம்பலூர் அரசு தலைமை மருத்துவமனையில் போலீஸ் காவலில் உள்ளார், உடல்நிலை சீரானதும் சுரேஷ் திருச்சி மத்திய சிறைக்கும் மனைவி கீதா திருச்சி மகளிர் சிறைக்கும், சிறுவர்கள் இருவரும் திருச்சி சிறார் சிறைக்கும் அனுப்பப்பட்டனர்.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

இனி உச்சம்... பணமழை கொட்டப்போகும் ராசிகள்!

அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!