சொகுசு பேருந்து - லாரி நேருக்கு நேர் மோதி கோர விபத்து.. 11 பேர் படுகாயம்!

சேலம் அயோத்தியாப்பட்டினம் அருகே தனியார் பேருந்தும், லாரியும் நேருக்கு நேர் மோதி விபத்துக்குள்ளானது. இதில், 11 பேர் படுகாயமடைந்தனர். சேலம் மாவட்டம் அயோத்தியாப்பட்டினம் அருகே உள்ள மேட்டுப்பட்டி தாதனூர் தேவாங்கர் காலனியில் இன்று காலை 7:30 மணியளவில் தர்மபுரி மாவட்டம் அரூர் பகுதியில் இருந்து ஏராளமான பயணிகளுடன் தனியார் பேருந்து ஒன்று சேலத்திற்கு வந்து கொண்டிருந்தது.

எதிரே ஒரு லாரி வந்து கொண்டிருந்தது. அப்போது, ​​லாரியின் பின்னால் வந்த மற்றொரு லாரி அதை முந்திச் செல்ல முயன்று, எதிரே வந்த தனியார் பேருந்து மீது நேருக்கு நேர் மோதியது. இந்த விபத்தில் தனியார் பேருந்தும், லாரியும் பலத்த சேதமடைந்தன. இடிபாடுகளில் சிக்கி லாரி டிரைவர், பஸ் பயணிகள் உட்பட 11 பேர் காயமடைந்தனர்.

அவ்வழியாக சென்றவர்கள் ஆம்புலன்ஸ் மூலம் அவர்களை மீட்டு சிகிச்சைக்காக சேலம் அரசு மருத்துவமனைக்கு அனுப்பி வைத்தனர். இதுகுறித்து தகவல் அறிந்த கரிப்பட்டி போலீசார் சம்பவ இடத்துக்கு விரைந்து வந்து போக்குவரத்தை சீர் செய்தனர். போலீசார் வழக்கு பதிவு செய்து விசாரணை நடத்தி வருகின்றனர்.

இதையும் பிடிச்சிருந்தா படிச்சு பாருங்க

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பகீர்! கல்லூரி மாணவியைக் கடத்தி பாலியல் வன்கொடுமை!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!

வீடியோ! குளிக்கச் சென்றவரை உயிரோடு முழுங்கிய முதலை