இன்று மெட்ரோ ரயிலில் இலவச பயணம்... ஃபார்முலா 4 கார் ரேஸ் பார்க்கச் செல்பவர்களுக்கு பிரத்யேக ஏற்பாடு!

இன்று சென்னையில் நடைபெற இருக்கும் கார் ரேஸ் போட்டிகளைப் பார்க்க செல்பவர்களுக்கு மெட்ரோ ரயில் பிரத்யேகமாக இலவச பயணத்திற்கு ஏற்பாடு செய்யப்பட்டுள்ளது. சென்னையில் ஃபார்முலா கார் ரேஸ் நேற்று தொடங்கிய நிலையில், இன்று இறுதி போட்டி நடைபெற உள்ளது. இந்த பந்தயத்தைக் காண நேரில் செல்பவர்கள் மெட்ரோ ரயிலில் இலவசமாக பயணிக்கலாம் என மெட்ரோ நிர்வாகம் அறிவித்துள்ளது.

இது குறித்து மெட்ரோ நிர்வாகம் வெளியிட்டுள்ள செய்திக்குறிப்பில்  “தமிழ்நாடு விளையாட்டு மேம்பாட்டு ஆணையத்தின் (SDAT) மூலம் சென்னை ஃபார்முலா 4 ரேஸிங் சர்க்யூட் போட்டி மற்றும் இந்தியன் ரேஸிங் லீக் கார் ரேஸ் இன்று செப்டம்பர் 1ம் தேதி இரவு நேர ஸ்ட்ரீட் சர்க்யூட் பந்தயமாக நடைபெற உள்ளது.

தெற்காசியாவிலேயே இரவு நேர ஃபார்முலா 4 ஸ்ட்ரீட் பந்தயத்தை நடத்தும் முதல் நகரமாக சென்னை விளங்குகிறது.  இந்நிகழ்வைப் பார்க்க செல்லும் பயணிகளுக்கு தடையற்ற பயணத்தை வழங்க சென்னை மெட்ரோ இரயில் நிறுவனம், சென்னை ஃபார்முலா 4 ரேசிங் சர்க்யூட் உடன் இணைந்து ஸ்பான்சர் செய்யப்பட்ட பிரத்யேக மெட்ரோ QR பயணச்சீட்டுகளை பயணிகளுக்கு வழங்கி வருகிறது. அதன்படி "Paytm Insider" மூலம் முன்பதிவு செய்யப்பட்ட சரியான டிஜிட்டல் டிக்கெட்டுகளுடன் நிகழ்வில் கலந்து கொள்பவர்களுக்கு மட்டுமே இந்த ஸ்பான்சர் செய்யப்பட்ட பிரத்யேக டிஜிட்டல் மெட்ரோ பாஸ்கள் வழங்கப்படும்.

இந்த மெட்ரோ பாசை பயன்படுத்தி பயணிகள் எந்த ஒரு மெட்ரோ இரயில் நிலையத்தில் இருந்தும் நிகழ்வு நடைபெறும் இடத்திற்கு மிக அருகில் உள்ள அரசினர் தோட்டம் மெட்ரோ ரயில் நிலையத்திற்கு சென்று திரும்பலாம் எனத் தெரிவிக்கப்பட்டுள்ளது.  

இந்நிகழ்வில் பங்கேற்பவர்கள் தங்கள் டிஜிட்டல் மெட்ரோ பாஸில் உள்ள தனித்துவமான QR குறியீட்டை தானியங்கி கட்டணம் பெறும் இயந்திரத்தில் ஸ்கேன் செய்து மெட்ரோவில் பயணிக்கலாம். இந்த சிறப்பு மெட்ரோ பாஸ்களை ஒரு சுற்றுப் பயணத்திற்கு அதாவது 2 நுழைவு மற்றும் 2 வெளியேறுதல் வரை பயன்படுத்திக் கொள்ளலாம். Paytm இன்சைடர் மூலம் வாங்கப்பட்ட டிஜிட்டல் டிக்கெட்டுகள் உள்ளவர்களுக்கு மட்டுமே ஸ்பான்சர் செய்யப்பட்ட மெட்ரோ பயணச் சலுகை  கிடைக்கும். இந்தச் சலுகைக்கு வேறு எந்த டிக்கெட்டுகளும் அல்லது பாஸ்களும் தகுதி பெறாது” எனத் தெரிவித்துள்ளது.  

ஆவணி மாத சிறப்புக்கள் , வழிபாடுகள், பண்டிகைகள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா